Լուրեր
Դեսպաններ են նշանակվել և մինչ այժմ պաշտոնավարում են քրեական անցյալով անձինք. Արման Բաբաջանյան
  • 10:51
  • 2019-01-16
  • Դիտումներ՝ *

Այսօր՝ հունվարի 16-ին, ԱԺ-ն շարունակում է իր աշխատանքները: «Իմ քայլը» խմբակցությունը ԱԺ Արտաքին հարաբերությունների մշտական հանձնաժողովի նախագահի պաշտոնում առաջադրել է Ռուբեն Ռուբինյանի թեկնածությունը:

«Լուսավոր Հայաստան» խմբակցության պատգամավոր Արման Բաբաջանյանը իր ելույթում հայտարարեց. «Արտերկրում Հայաստանի դեսպաններ են նշանակվել կասկածելի կենսագրությամբ և քրեական անցյալով անձինք: Վրաստանում մինչ օրս պաշտոնավարում է ՀՀԿ կարկառուն ներկայացուցիչ Ռուբեն Սադոյանը, իսկ Ռուսաստանում Հայաստանը ներկայացնող Վարդան Տողանյանը 92-ից ՀՀ-ում չի բնակվել: ՌԴ-ում նրա նշանակումը կապված է Սերժ Սարգսյանի և նրա մերձավորների և ռուսաստանցի իշխանությունների միջև կոմերցիոն հարաբերությունների հաստատմամբ»: Նա անդրադարձավ նաև Ուկրաինայում ՀՀ նախկին դեսպան Անդրանիկ Մանուկյանի խնդրին:

Բաբաջանյանի խոսքով՝ կրավորական, իներտ դիվանագիտական ծառայությունից հետո Գրիգոր Հովհաննիսյանը նշանակվել է ԱԳ փոխնախարար. «Գիտե՞ք, թե միայն Լոս Անջելեսում ՀՀ հյուպատոսության քանի աշխատակից է դիմել գրին-քարտի համար»:

Պատգամավորը ընդգծեց՝ հիմա էլ են աշխատում դիվանագետներ, ովքեր հեղափոխություն կատարած անձանց և Նիկոլ Փաշինյանին ներկայացնում էին որպես ավազակ. «Այսօր մենք վարում ենք իներցիոն արտաքին քաղաքականություն. սա խոշոր ձախողման և արկածախնդրության տանող ճանապարհ է»:

 

Մանրամասները՝ տեսանյութում:

  • Դիտումներ՝ *