Վրացական GHN լրատվական գործակալության փոխանցմամբ, Թուրքիայի իրավապահների իրականացրած հատուկ գործողությունների արդյունքում ձերբակալվել են ավելի քան 100 ապօրինի ներգաղթյալներ։ Նրանց թվում են հայտնվել Վրաստանի 21 քաղաքացիներ։
«Ապօրինի աշխատող» անվանումը ստացած օպերացիան իրականացվել է Անկարայից ոչ հեռու ընկած տարածքում։ Արդյունքում պարզվել է, որ ձերբակալվածները չունեն որևէ փաստաթուղթ և աշխատանքային համաձայնագիր և ապօրինաբար են գտնվում Թուրքիայի տարածքում։
Հիշեցնենք, որ Թուրքիայի վարչապետ Ռեջեփ Էրդողանը շարունակ սպառնում է արտաքսել Թուրքիայում ապօրինաբար աշխատող ՀՀ տասնյակ հազարավոր աշխատավորների, և դա միջազգային արենայում գործածում է որպես գործիք՝ համայն աշխարհին ցուցադրելու համար իրենց «մարդասիրությունն ու գթասրտությունը»։
