Պատմաբան Վահրամ Թոքմաջյանը ֆեյսբուքյան իր էջում գրել է.
««Ոչ դոդացմանը, ոչ սերժանտացմանը, ոչ ռոբոտացմանը»: Սրտահաճո կարգախոս է, ինչ խոսք: Գիտե՞ք ով է սույն կարգախոսի ջատագովը: Չեք սխալվում, ՀՀ վարչապետ Նիկոլ Փաշինյանը:
Շուտով, նոընտիր ԱԺ-ն կկանգնի լուրջ ընտրության առաջ: Ընտրել Լուսավորի, թե ԲՀԿ-ի թեկնածուին: «Իմ Քայլը» դաշինքի ներկայիս առաջնորդ Փաշինյանն հայտարարել է, թե նման հարցերում սկզբունքներ է պետք մշակել: Սկզբունքներ…. մարդկության ամենաշահարկված ու ամենախախտված երևույթը: «Պռինցիպի» մեջ էլի: Ընդհանրապես, իմ որևէ հատվածին հետաքրքիր չէ, թե ով կլինի ԱԺ «ընդդիմադիր» փոխխոսնակը: «Իմ Քայլի» համար, լավագույն տարբերակ կլիներ ազատ քվեարկության գաղափարը, բայց քանի որ դա չկա, առաջարկում եմ.
Բոլոր նրանք, ովքեր տարատեսակ գինետներում ու էլիտար բուֆետներում հայտարարում էին, թե գնում ենք ընդդիմադիր դառնալու ներսում:
Բոլոր նրանք, ովքեր տարբեր «աշխարհների» դեսպաններն են:
Բոլոր նրանք, ովքեր ունեն սեփական գիտակցումի նշույլ:
ՔՎԵԱՐԿԵՔ ՄՏՈՔ և ԿԱՄՈՔ…
20 տարի, մենք ՀՀ քաղաքացիներին համոզել ենք հրաժարվել 5-10 հազարի մտածողությունից: 5-10 հազարը փող չէ, այլ՝ մտածողության ձև:
Միևնույնն է՝ ժպտալու եք ու կեղծեք ինքներդ Ձեզ, հետո՝ 5 տարի միասին եք աշխատելու: Արդ հիշեք Ձեր առաջնորդի հռչակումը՝ «ոչ դոդացմանը, ոչ սերժանտացմանը, ոչ ռոբոտացմանը»:
