Միացյալ Նահանգների տնտեսության կորուստներն ԱՄՆ-ի ֆեդերալ հիմնարկությունների մի մասի աշխատանքի դադարեցման հետևանքով կարող են կազմել շաբաթական շուրջ 1,2 միլիարդ դոլար, եթե «շաթդաունը» ձգձգվի: Այս կարծիքն է հայտնել ԱՄՆ-ի նախագահի տնտեսական հարցերով խորհրդական Քևին Հասեթը՝ գրում է Politico-ն: ։
Չնայած այն բանին, որ այդ կորուստները երկրի տնտեսության աճը կթուլացնեն սոսկ 0,05 տոկոսային կետով, դրանք կարող են դժվարացնել ԱՄՆ-ի կառավարության կողմից 3 տոկոսի մակարդակում համախառն ներքին արդյունքի կայուն աճի ապահովման նպատակի ձեռքբերումը։
«Ես չեմ սպասում, որ «շաթդաունի» տնտեսական հետևանքները լուրջ լինեն, եթե, իհարկե, այն հարաբերականորեն արագ ավարտվի»,- հայտարարել է Հասեթը։
