Մոսկվայի միջբանկային արժութային բորսան (ՄՄԱԲ), որը գլխավորում է Ռուբեն Աղանբեկյանը, միաձուլվել է Ռուսաստանի ապրանքային բորսայի (ՌԱԲ) հետ: Արդյունքում ստացված հսկան ղեկավարելու է Աղանբեկյանը: Այս մասին հայտարարել է հայ տնտեսագետը փաստաթղթերի ստորագրման ժամանակ,- հաղորդում է RIA-Novosti գործակալությունը:
Նա հավելել է, որ Ռուսաստանի ապրանքային բորսայի ղեկավար Ռոման Գորյունովը դառնալու է իր տեղակալը և պատասխանատու է լինելու միացյալ բորսայի զարգացման համար: ՄՄԱԲ-ը գնել է ՌԱԲ-ի բաժնետոմսերը, որի համար վճարել է 1.14 մլրդ դոլար: Պետությունը վաճառելու է միացյալ բորսայի իր բաժնեմասն առաջիկա երկու երեք տարիների ընթացքում: