Գրող Աքրամ Այլիսլին չի կարողացել մասնակցել Վաշինգթոնում կայացած իր գրքի շնորհանդեսին՝ Ադրբեջանի իրավապահ մարմինների սահմանափակումների պատճառով:
Turan-ի թղթակցի հետ զրույցում գրողը պարզաբանել է, որ ԱՄՆ-ում անգլերենով հրատարակվել է նրա «Ցտեսություն Այլիս» գիրքը: Այս ժողովածուի մեջ ներառվել են «Եմեն», «Քարե երազներ», «Վիթխարի խցանում» և «Ցտեսություն Այլիս» վեպերը:
Գրողը նշել է, որ «Ցտեսություն Այլիս»-ը ոչ ավանդական վեպ է՝ բաղկացած երեք պատմություններից: Այն ադրբեջաներեով և ռուսերենով չի տպագրվել և առաջին անգամ հրատարակվել է անգլերենով: Հեղինակն այս ստեղծագործությունը «խոստովանանք» է անվանել:
Աքրամ Այլիսլլի դեմ հետապնդումները սկսվել են «Քարե երազներ» վեպի հրատարակությունից հետո, որում հեղինակը համարձակվել է դրական արտահայտվել հայերի մասին: «Ժողովուրդների բարեկամություն» ամսագրում ստեղծագործության հրապարակումից հետո Այլիսլիին սկել են հետապնդել, նրան զրկել են կոչումներից և անգամ սպառնացել «ականջները կտրել»:
2.5 տարի առաջ նրա դեմ սկսված քրեական գործը, որ նա իբրև թե Բաքվի օդանավակայանում ծեծել է սահմանային ծառայության աշխատակցին, դեռ չի ավարտվել:
Գրողն արդեն 6 տարի է չի կարողանում միջազգային գրական միջոցառումների այցելել, նրան նաև արգելված է բուժվելու նպատակով երկրից հեռանալ: