Այն, որ Հայաստանում մինչ այժմ լայնորեն չեն օգտագործվում ջրատաքացուցիչներ՝ արևային ջերմային կոլեկտորներ, հանցագործություն է։ Այս մասին այսօր լրագրողների հետ հանդիպման ժամանակ ասաց էներգետիկայի և էներգախնայողության հիմնադրամի վերականգնվող էներգետիկայի ծրագրի ղեկավար Արայիկ Մարջանյանը։ Նրա խոսքով՝ ջրատաքացուցիչները գազի կաթսաներից էժան են, նրանց պիտանելիության ժամկետը 10 տարով ավելի շատ է, բացի այդ՝ էլեկտրաէներգիայի ծախսը շատ ավելի քիչ է, քան գազի կաթսաների դեպքում։
Ըստ Ա.Մարջանյանի՝ նրա համար, որ Հայաստանում համատարած չեն օգտագործվում ջրատաքացուցիչներ, մեղավոր է ինչպես բիզնես դաշտը, որը այդպես էլ համարձակություն չի դրսևորում այս ոլորտում ներդրումներ իրականացնելու, այնպես էլ նորմատիվային դաշտը։
Ըստ Ա.Մարջանյանի՝ կարելի է օրենսդրորեն պարտադրել մոնոպոլ դիրք ունեցող Հայաստանի էլետրական ցանցերին որոշակի տարածքներում տեղադրել ջրատաքացուցիչներ, որպեսզի էներգիայի որոշակի տոկոսը արտադրվի այդ ջրատաքացուցիչներով։