The Grand Tour հայտնի հեռուստաշոուի վարող Ջերեմի Քլարքսոնը նշել է այն մեքենաների հակավարկանիշային ցանկը, որոնք նա 2018 թ.-ին փորձարկել է բրիտանական The Sunday Times պարբերականի իր սյունակի համար:
Բրիտանացու կարծիքով վատագույն տարբերակը Fiat 500-Abarth 695 Rivale սուբկոմպակտի լցքավորված տարբերակն է: Ավտոմեքենան քննադատվել է «չափազանց խիստ կասեցման, անհարմար վարորդական դիրքի և զզվելի ուղղորդական կայունության համար»:
Հակավարկանիշային ցանկի երկրորդ հորիզոնականում նոր սերնդի Audi Q8 քրոսովերն է: «Այս մեքենան սարսափելի BMW X6-ի մրցակիցն է, ուստի շատ հարմար է խելագարների համար»,- ասել է մեկնաբանը:
Վատագույն ավտոմեքենաների ցանկի երրորդ տեղում է հայտնվել Dacia Duster քրոսովերը, հայտնի Renault Duster-ի զույգը: Խոսքը, սակայն նոր սերնդի մոդելի մասին է: Հայտնի հաղորդավարին չեն գոհացրել մեքենայի «ահավոր արտաքին տեսքն ու «ցնցվող» շարժիչը»: «Ոչ ոքի չի հաջողվի հարթ, հանգիստ, անձայն վարել Duster-ը, առանց սեփական ինքնագնահատականը գցելու»,- գրել է բրիտանացին:
Չորրորդ հորիզոնականը զբաղեցնող Mini 1499 GT հեչբեկի մասին Քլարքսոնն ասել է.«Դժվար է հարմար բառեր գտնել Mini 1499 GT-ը նկարագրելու համար, բայց «սարսափեցնողն» ամենամոտ նկարագրությունն է»:
Հակավարկանիշային ցանկի հինգերորդ տեղը զբաղեցրել է Volvo V60-ը: Հեռուստամեկնաբանը գնահատել է ավտոմեքենայի ընդարձակ սրահն ու նորաձև դիզայնը, սակայն նշել է, որ մեքենան խայտառակում է «ձանձրալի» դիզելային շարժիչը: Քլարքսոնի խոսքերով, «ոչինչ ավելի լավ ցույց չի տալիս որ ձեր սեքսուալ կյանքը զրոյական է, քան այն, երբ դուք այսպիսի մեքենայով երթևեկում եք մայրուղով»: