Մարկ Ցուկերբերգը և նրա կինը՝ Պրիսցիլա Չանը, վաճառել են մոտ 30 միլիոն ֆեյսբուքյան բաժնետոմսեր` ֆինանսավորելու համար հիվանդությունների բուժման նպատակով հատուկ ուղեղային իմպլանտներ պատրաստող մի խումբ հետազոտողների՝ հաղորդում է Businessinsider-ը:
Ըստ թերթի՝ նախագծի ֆինանսավորման համար անհրաժեշտ է եղել 5 մլրդ դոլար: Հետազոտության ծրագիրը կոչվում է Չան-Ցուկերբերգի նախաձեռնություն:
Ծրագիրը ներառում է «ուղեղ-մեքենա» ինտերֆեյսի ստեղծում, սարք, որը պետք է մտքերը վերածի հրամանների: Սա ուղեղի անլար իմպլանտ է, որը կարող է իրական ժամանակում գրանցել, խթանել և վերահսկել մարմնի շարժումները:
Տեղեկացվում է, որ գիտնականների խումբը այժմ փորձարկում է իմպլանտը պրիմատների վրա: Հետազոտողները նշում են, որ այն նախատեսված է էպիլեպսիայի և Պարկինսոնի հիվանդության բուժման համար:
Սարքը կոչվում է Cortera: