2018-ը լի էր ոչ միայն աչքի ընկնող հարսանիքներով և աղմկահարույց սկանդալներով, այլև զվարճալի միջադեպերով: Զվարճալի իրավճակներում են հայտնվել դերասանները, երաժիշտները, մոդելները և թագավորական ընտանիքի անդամները:
2018-ի փետրվարի սկզբին ուկրաինացի երգչուհի Օլյա Պոլյակվան բեմի վրա «Նախկինը» երգը կատարելիս կորցրել է իր զգեստի շղարշը՝ մնալով միայն սեղմիրանով և ներքնազգեստով:
Ամերիկացի երգչուհի Քեթի Փերին պատռել է փայլուն տաբատը American Idol-ի ուղիղ եթերի ժամանակ: Քեթին այն կատակի է վերածել՝ ցույց տալով պատառոտված հագուստը և ծիծաղը չզսպելով:
Էլեն Դեջեներեսի շոուի ժամանակ երգչուհի Ջենիֆեր Լոպեսը մի քանի պարային շարժում է ցույց տվել՝ առանց հաշվի առնելու, որ յուրահատուկ կտրվածքով կիսաշրջազգեստ է կրում: Այդ պատճառով երևացել է նրա ներքնազգեստը, որը համացանցում «տատիկի տաբատ» են անվանել:
Մեծ բեմ վերադառնալուց հետո Backstreet Boys խումբը բեմ է դուրս եկել Spice Girls խմբի աղջիկների կերպարով: Երգիչները հագել են կարճ զգեստներ և կեղծամներ կրել:
Ռուսաստանցի plus-size մոդել Յուլիա Ռիբակովան Կաննի կինոփառատոնի ժամանակ սեղմիրանով և ներքնազգեստով է մնացել, երբ հյուրերից մեկը ոտքը դրել է նրա զգեստի շղարշի քղանցքին:
https://www.instagram.com/p/Bi64rGMH1X1/?utm_source=ig_embed
Քեթի Հոլմսը զբոսնել է Նյու Յորքի փողոցներում ամառային զգեստով, որը դերասանուհու չափսին այնքան էլ չի համապատասխանել: Այդ պատճառով սեղմիրանը սեղմել է նրա կուրծքը:
«Առաքելությունն անիրագործելի է. Հետևանքները» ֆիլմի շնորհանդեսի ժամանակ դերասան Թոմ Քրուզը հանդիսատեսին է ներկայացել արձակված տաբատով:
Ուկրաինացի հաղորդավարուհի Լեսյա Նիկիտյուկը Իսպանիայում Рronovias հարսանեկան հավաքածուի ցուցադրությունից առաջ նկատել է, որ իր զգեստը կրում է վենեսուելացի մոդելը: Չնայած մոդելը զարմացել է փաստից, որ իր հագի զգեստը Լեսյային է պատկանում, այնուամենայնիվ վերադարձրել է այն: Երեկոյան Լեսյան հենց այդ զգեստով է ներկայացել:
Արքայազն Հարիի մտերիմ ընկերոջ հարսանիքին հանրությանը ներկայանալիս Մեգան Մարքլի վերնաշապիկի կոճակն արձակվել է, և երևացել է նախկին դերասանուհու ժանյակավոր ներքնազգեստը: Իսկ արքայազն Հարին այդ իրադարձության կապակցությամբ նոր կոշիկներ չէր հագել. նրա կոշիկի տակացուին անցք է նկատելի եղել:
Նոր Զելանդիայում հղի Մեգան Մարքլը կրել է Givenchy ապրանքանիշի զգեստ՝ թափանցիկ, դարսերով կիսաշրջազգեստով: Ուստի երկրպագուները նկատել են Սասեքսի դքսուհու ներքնազգեստը:
Զվարճալի է եղել նաև Մեգան Մարքլի և Եղիսաբեթ II թագուհու՝ Չեշիր կոմսություն ուղևորությունը, որտեղ թագավորական ընտանիքի անդամները բացել են Mersey Gateway Bridge կամուրջը և Storyhouse Theatre թատրոնը: Սասեքսի դքսուհին առանց գլխարկի էր:
Մելանյա Թրամփը ևս սիրում է զարմացնել երկրպագուներին: Այսպես, Տեխաս՝ փախստականների երեխաների ճամբար այցի ժամանակ նա «Ինձ համար միևնույն է, իսկ ձե՞զ» գրությամբ բաճկոն է կրել: Դա մեծ սկանդալի է վերածվել:
«Ես այդ բաճկոնը կրել էի ինքնաթիռ նստելու և դրանից իջնելու համար: Այդ գրությունը մարդկանց և ազատական մամուլի համար էր՝ նրանց ցույց տալու համար, որ ինձ համար իսկապես միևնույն է: Դուք ինձ չեք խանգարի անել այն, ինչ ճիշտ եմ համարում: Դա յուրովի ուղերձ էր նրանց»,-միջադեպը մեկնաբանել է ԱՄՆ առաջին տիկինը:
Սիլվեստր Ստալոնեի նախկին կնոջը՝ դերասանուհի Բրիգիտ Նիլսենին, պլաստիկ վիրաբույժները հուսախաբ են արել: 55-ամյա աստղը հանրությանը ներկայացել է քառակուսի կրծքով: