ԱՄՆ պետքարտուղար Հիլարի Քլինթոնը հայտարարել է, որ հենց ԱՄՆ պետքարտուղարությունն է կազմակերպել երգչուհի Լեդի Գագայի ելույթը Հռոմում կայացած միասեռականների շքերթի ժամանակ այս տարվա հունիսի սկզբին: «Դա կազմակերպված է եղել պետաքարտուղարության կողմից»,- ասել է Քլինթոնը Fox News-ին՝ հավելելով, թե իրենք օգտագործել են այն փաստը, որ Լեդի Գագան սեռական փոքրամասնությունների իրավունքների ակտիվ պաշտպանությամբ է զբաղվում:
Հիշեցնենք, որ հունիսի 11-ին այդ ելույթի ժամանակ Լեդի Գագան քննադատել է Ռուսաստանի իշխանությունների քաղաքականությունը, որոնք ճնշում են սեռական փոքրամասնություններին: Նա ասել է, որ այս որոշման պատճառն այն է, որ Ռուսաստանում բոլոր տեսակի սեռական փոքրամասնությունները ենթարկվում են հետապնդման և բռնությունների: Նրա «ցուցակում» են հայտնվել նաև Լեհաստանը, Լիտվան, Հունգարիան և Լիբանանը:
Այս երկրները նա թվարկել է՝ ելույթ ունենալով Հռոմում նույնասեռականների շքերթի ժամանակ։ «Ես կանգնած եմ ձեր առջև՝ որպես աշխարհի քաղաքացի, և խնդրում եմ բոլոր երկրների կառավարություններին մոտեցնել համընդհանուր հավասարության մեր բոլորիս երազանքը: Այսօր, երեկ և վաղը մենք պայքար ենք մղում ազատության և արդարության համար… ես գիտեմ, որ կան երկրներ և կառավարություններ, որոնք սահմանափակում են սեռական փոքրամասնությունների մասին տեղեկատվությունը: Դրա համար ես ուզում եմ, որպեսզի ձեր պատմությունները լսելի լինեն ամբողջ աշխարհին»,- ավելացրել է Լեդի Գագան:
