Աղդամի «Ղարաբաղի» կիսապաշտպան Արազ Աբդուլաևը դարձել է ադրբեջանցիների աչքի փուշը: Սոցիալական ցանցերում Աբդուլաևի հասցեին վիրավորանքների և հայհոյանքների տարափ է տեղում այն բանի համար, որ նա Եվրոպա լիգայի խաղարկության խմբային փուլի վերջին տուրի «Արսենալի» հետ հանդիպման ժամանակ խաղադաշտ ներխուժած հայ երկրպագուի ձեռքից չի խլել Արցախի դրոշը:
Հայ երիտասարդը վազել էր Աբդուլաևի կողքով, սակայն ադրբեջանցի ֆուտբոլիստը որևէ կերպ չէր արձագանքել տեղի ունեցածին, մինչ դեռ «Ղարաբաղի» ավագ Ռաշադ Սադիխովը հարձակման փորձ էր արել ակցիա իրականացնող մեր հայրենակցի վրա:
Աբդուլաևին արդեն իսկ անվանում են ազգի դավաճան:
Իրավիճակը մեղմացնելու նպատակով ադրբեջանցի մեկ այլ ֆուտբոլիստ «Կեշլյայի» ներկայացուցիչ Թարլան Գուլիևը հայտարարել է, որ Աբդուլաևը որևէ գործողություն չի կատարել քանզի չի ճանաչել Արցախի դրոշը:
«Ես ու Արազը մակության ընկերներ ենք: Նա մեծ հայրենասեր է և եթե իմանար, որ երիտասարդի ձեռքին Արցախի դրոշն է, ապա ինչպես Սադիխովը կփորձեր խլել նրան ձեռքից այն և ոտնատակ կաներ»,- Azerisport-ին տված հարցազրույցում նշել է Գուլիևը:
