Honda-ի ճապոնական գրասենյակի մի խումբ դիզայներներ մշակել են փափուկ խաղալիք, որը արտաբերում է 37 տարբեր մեքենաների շարժիչների ձայներ: Մտահղացման հեղինակների կարծիքով՝ վառ կարմիր թավշյա խաղալիքը պետք է որ հանգստացնի և քնեցնի երեխաներին:
Sound Sitter խաղալիքը հետազոտության արդյունք է, ըստ որի՝ նորածինների կողմից քիչ թե շատ հաճելի են այն ձայները, որոնք նման են նրան, ինչ երեխան լսել է մայրիկի որովայնում: Դրանք ավելի հաճախ նվազ հաճախականությամբ են՝ սրտի բաբախյուն և արյան շրջանառություն: Հենց այդպիսի ձայներ՝ 250 հերց և ավելի նվազ հաճախականությամբ արտաբերում են Honda-ի շարժիչները: Օրինակ՝ Integra Type R, S2000 և NSX:
Մեքենան հագեցած է ներկառուցված ուժեղացուցիչներով, իսկ ձայնի արտաբերումը կառավարվում է սմարթֆոնի օգնությամբ: