shamshyan.com-ի փոխանցմամբ՝ երեկ՝ հունվարի 29-ին, ավտովթար է տեղի ունեցել Արմավիրի մարզում: Ժամը 23:30-ի սահմաններում Սարդարապատ գյուղի բնակիչ, 28-ամյա Արամ Բարսեղյանը, վարելով BMW մակնիշի 34 ՍV 326 համարանիշի ավտոմեքենան, Արմավիր քաղաքի Հանրապետության փողոցում դուրս է եկել ճանապարհի երթևեկելի գոտուց, բախվել Արմավիրի քաղաքապետարանի առջև գտնվող շատրվանների բետոնե հատվածին և կողաշրջվելով՝ հայտնվել շատրվանների մեջ:
Ինչպես հայտնում է shamshyan.com-ը, վարորդն ու 2 ուղևորները՝ Սարդարապատ գյուղի բնակիչներ, 22-ամյա Անտոն Մեծիկյանը և 30-ամյա Հայկ Մեծիկյանը, մարմնական վնասվածքներով տեղափոխվել են Արմավիրի բժշկական կենտրոն:
Դեպքի վայրում հավաքվածները shamshyan.com-ին ասել են, որ վարորդն ու 2 ուղևորները եղել են ոչ սթափ վիճակում, իսկ վթարի հարևանությամբ գտնվող շենքերի բնակիչները տարակուսած պատմում էին, որ հարվածն այնքան ուժգին է եղել, որ ձայնը լսելի է եղել անգամ տներում:
Մանրամասները՝ shamshyan.com-ում