Չինաստանում Apple կորպորացիայի ստորաբաժանումը հաջորդ շաբաթվա սկզբին նորացված ծրագրային ապահովում (ԾԱ) կթողարկի իր սմարթֆոնների համար այն բանից հետո, երբ տեղի դատարանը որոշեց ժամանակավորապես դադարեցնել iPhone-ի մի շարք մոդելների վաճառքը:
Դեկտեմբերի 14-ին այս մասին հայտնել է Reuters գործակալությունը՝ վկայակոչելով կորպորացիայի հայտարարությունը:
«Հաջորդ շաբաթվա սկզբին մենք նորացված ծրագրային ապահովում կներկայացնենք Չինաստանում iPhone-ի օգտատերերի համար»,- ասված է Apple-ի հայտարարության մեջ: Դրանում նշված Է, որ կորպորացիան այդ կերպ հուսով է լուծելու այն խնդիրը, որը դատական քննության պատճառ Էր դարձել: Ավելի վաղ Չինաստանի Ֆուչժոու քաղաքի դատարանը Qualcomm ընկերության պահանջով վճիռ էր կայացրել ՉԺՀ-ում յոթ մոդելների սմարթֆոնների վաճառքների դադարեցման մասին: Դատարանը որոշել է, որ Apple-ը խախտում Է Qualcomm-ի այն արտոնագրերը, որոնք կապված են լուսանկարների մշակման, ինչպես նաև սենսորային պանելի միջոցով հավելվածների կառավարման տեխնոլոգիաների հետ: Apple-ը վճռափոխության գանգատ է ներկայացրել՝ մերժելով հայցվորի պահանջները, հաղորդել Է ՏԱՍՍ գործակալությունը:
