57-ամյա Ջինա Ռայնհարթը, որը համարվում է Ավստրալիայի ամենահարուստ մարդը, կարող է դառնալ աշխարհի ամենահարուստ մարդը:
Ինչպես գրում է The Daily Telegraph-ը, անցյալ տարի նրա կարողությունը կրկնապատկվել է՝ հասնելով 6.8 մլրդ ֆունտ ստերլինգի: Հիմա Ջինան ամեն ինչ անում է, որպեսզի հասնի մեքսիկացի մագնատ Կարլոս Սլիմին (46 մլրդ ֆունտ) և Microsoft ընկերության ղեկավար Բիլ Գեյթսին (35 մլրդ ֆունտ):
Ավստրալիայի ամենահարուստ կին միլիադատերը զբաղեցնում է Forbes-ի միլիարդատերերի ցուցակի 376-րդ հորիզոնականը: Կարողությունը Ջինային հեշտությամբ չի հասել: 1992 թ. նրա հայրը՝ Լենգլի Հենկքոքը, որը Hancock Prospecting ընկերության հիմնադիրն է, մահացավ: 14 տարի նրա կինը՝ Ջորդինան, իր իրավունքներն է պաշտպանել դատարանում: 2003 թվից Հենկքոքի այրին 4 երեխաների հետ ինքնուրույն կառավարում է ընկերությունը:
Ինչպես գրել է Forbes ամսագիրը, երբ Ջինա Ռայնհարթը ստացել է ընկերությունը որպես ժառանգություն, այն պարտքերի մեջ էր: Ժառանգորդը հաջողությամբ սկսել է ներդրումներ կատարել ածխի արդյունահանման մեջ, այժմ նա ունի երկու հանքավայր, որոնց ընդհանուր գինը կազմում է 15 մլրդ դոլար:
Նրա հետ աշխատելը դժվար է, հաճախ փոխում է իր խորհրդականներին, չնչին սխալների համար աշխատանքից հեռացնում է աշխատակիցներին և ցանկանում է ամբողջությամբ տիրել ընկերությանը: «Նա իրեն շրջապատել է տնային շներով»,- ասել են աշխատանքից հեռացվածները:
Աշխարհի ամենահարուստ կինը Քրիստի Ուոլթոնն է՝ Ջոն Ուոլթոնի այրին՝ Wal-Mart խանութների ցանցի ժառանգը, որի ընդհանուր կարողությունը կազմում է 26.5 մլրդ դոլար: