«Երբ ալիքներ էին ավելանում, ինձ թվում էր՝ լավ կլինի, մրցակցություն կառաջանա, և հաղորդումների ու ֆիլմերի որակը կլավանա, բայց էլի այսօրվա դրությամբ հանրայինը առաջին տեղում է»,- այսօր հայտարարեց հանրային հեռուստաընկերությունում երկար տարիներ աշխատող պրոդյուսեր Մամիկոն Չատինյանը: Հարցին, թե ինչո՞վ է հանրայինը առաջինը, պրոդյուսերը ասաց, թե առաջինն է լուրերով: «Ինֆորմացիոն ծրագիրը, Հայլուրը, որը բոլորը նայում են: Նախ` ավելի ազատ են այդ լուրերը հեռարձակվում, երկրորդը` ամենամեծ դաշտը ունի հանրայինը, այսինքն` ամենաշատ նայվողն է»,- ասաց նա: Սոցիոլոգ Ահարոն Ադիբեկյանն էլ հակադարձեց` ասելով, թե վստահության մակարդակը հանրայինի նկատմամբ ցածր է: «Ընտրության շրջանում 65%-ը դիտում է, վստահում է 30%-ը, որովհետև 30%-ն է իշխանամետ: «Շանթ» դիտում է 30%-ը, վստահում` 20%-ը»,- ասաց Ադիբեկյանը: