«Ամեն քաղաքական ուժ իր ծրագրերով կարող է մասնակցել ընտրություններին: Նիկոլի առաջնորդած ուժը որևէ կոալիցիայի, համախմբման կարիք չունի, կարող է միանձնյա ձևավորել իշխանություն: Բայց մեր երկրին անհրաժեշտ է առողջ հակակշիռ իշխանությանը, առողջ այլընտրանքային քաղաքական միավոր, որը կարող է լինել «Լուսավոր Հայաստան»- ը: «Իմ քայլ»-ին էլ ընտրեք լավ կլինի, մեզ էլ ընտրեք, լավ կլինի, բայց ուրիշ ուժի չընտրեք»,- Սարիգյուղում նախընտրական քարոզարշավի շրջանակներում ընտրողների հետ համդիպմանն ասաց «Լուսավոր Հայաստան» կուսակցության ցուցակը գլխավորող թեկնածու Էդմոն Մարուքյանը: Ի պատասխան՝ ընտրողներն արձագանքեցին՝ «դուխով»:
«Մենք Ձեզ վստահում ենք: Դուք պետք է մեր ցանկությունը հաշվի առնենք, թե ում ենք ընտրում,- դիմելով Մարուքյանին՝ նշեցին կանայք: – Շատ անդուր է Շարմազանովի, Արփինե Հովհաննիսյանի ու Աշոտյանի ելույթները: Ո՞վ են նրանք: 20 տարի էր ի՞նչ էին անում, քանդում էին… Աշոտյանը՝ էդ «շրեկը», թող լսի, որ իրանց ելույթներից ժողովուրդը սթրես ա տանում…»
Մանրամասն՝ տեսանյութում: