Պապը հոմոսեքսուալությունը համարել է «նորաձևություն», որը ազդում է եկեղեցու վրա: Նա համոզված է, որ միասեռական քահանաները լավ կլինի՝ հրաժարվեն հոգևոր աստիճանից, գրում է korrespondent.net-ը:
Հռոմի պապ Ֆրանցիսկոսը հայտարարեց, որ հասարակության մեջ «հոմոսեքսուալության նորաձևություն» է առաջացել:
Համապատասխան մեջբերումը հայտնվել է Հռոմում՝ շաբաթ օրը, դեկտեմբերի 1-ին հրատարակված գրքի հարցազրույցում:
«Մեր հասարակություններում հոմոսեքսուալությունը դարձել է նորաձև, ինչը խիստ ազդում է եկեղեցու կյանքին», – ասաց նա:
Ըստ պապի, համասեռամոլությունը անհամատեղելի է եկեղեցական արարողակարգի հետ:
«Ավելի լավ է՝ նրանք արժանապատվորեն հեռանան եկեղեցուց, ոչ թե կրկնակի կյանք վարեն», – ասում է նա միասեռական քահանաներին:
«Հոգևորականի կյանքում նման բաները տեղ չունեն», – ընդգծել է նա:
Կաթոլիկ եկեղեցին միասեռականությունը մեղք է համարում: Սակայն Մայր Աթոռի անդամակցության հետ շատերը հույսեր են կապում հոմոսեքսուալների հարցում եկեղեցու ազատականացմանը:
«Ով եմ ես, որ դատեմ միասեռականներին»,- հայտարարել էր պապը 2013 թվականին: