Բելառուսի անկախության օրը, որը նշվելու է հուլիսի 3-ին, զանգվածային զբոսանքների ժամանակ քաղաքացիները կարող են ծափահարել միայն վետերաններին, մնացյալ դեպքերում ծափահարությունը դիտարկվելու է որպես հասարակական կարգի խախտում՝ այստեղից բխող բոլոր բացասական հետևանքներով: Այս մասին հայտարարել է Մինսկ քաղաքի ոստիկանության վարչության պետի տեղակալ Իգոր Եվսեևը:
Եվսեևի հայտարարությունը մի փոքր տարօրինակ կհնչեր, եթե Միսնկում և Բելառուսի այլ քաղաքներում պարբերաբար չանցկացվեին լուռ ակցիաներ, որոնց ժամանակ չկան պաստառներ, չեն հնչում կարգախոսներ, մարդիկ միայն ծափահարում են: Այս ակցիաներից հետո ծափահարությունը դասվեց հանցանքների շարքին: Եվսեևը նաև ասել է, որ ընդդիմության մշտական հավաքատեղի համարվող Օկտյաբրսակայա հրապարակը փակ է ցանկացած տեսակի զանգվածային միջոցառումների համար:
«Հեղափոխությունը սոցցանցերի միջոցով» ակցիաները տեղի են ունենում ամեն չորեքշաբթի և ուղեկցվում են հարյուրավոր ձերբակալություններով:
