Ամերիկյան տեխնոլոգիական Apple ընկերությունը աշխատում է նոր սարքի ստեղծման վրա, որը կունենա օգտատիրոջ քունը վերահսկող գործառույթ: Խոսքը հատուկ հաղորդիչների մի ամբողջ համակարգի մասին է, որը պետք է տեղադրվի օգտատիրոջ մահճակալի վրա և հետևի քնելիս մարդու հիմնական ցուցանիշներին:
Ընկերության մասնագետներն արդեն ուղարկել են փաստաթուղթ, որի միջոցով նոր սարքը կպատենտավորվի: Ինչպես նկարագրվում է, սարքն իրենից ներկայացնում է բարակ գոտի, որը հագցնում են ներքնակին:
Սարքը կհետևի քնի ժամանակ օգտատիրոջ շարժումներին և կարող է վերլուծել ներքնակի հարմարավետությունը՝ որպես հանգստի որակը բարելավող:
Հարկ է նշել, որ սա ընկերության այդպիսի առաջին սարքը չէ: Apple-ն արտադրել է ժամացույցներ, որոնք կարող են հետևել օգտատիրոջ առողջության ցուցանիշներին: