Իշխանությունը հատկապես Կազանից հետո ավելի ինքնավստահ է զգում և սպասում է Լևոն Տեր-Պետրոսյանի խոսքին: Այսօր ԱԺ ՀՀԿ-ական պատգամավոր Սամվել Նիկոյանից հետաքրքրվեցինք՝ ի՞նչ կցանկանար ինքը, որ Լևոն Տեր-Պետրոսյանն ասեր հանրահավաքում:
Նրա խոսքերով՝ յուրաքանչյուր ոք պետք է շատ սթափ գնահատի վերջին ամիսների մեր ձեռքբերումները, արժևորի և փորձի մտածել այն մասին, որ այդ ձեռքբերումները չկորցնի, այլ հիմք դարձնի դրանք առաջընթաց քայլերի համար:
«Ես կարծում եմ, որ պետք է մաքսիմալիստական պահանջներից հրաժարվել և դանդաղ քայլերով առաջ գնալ: Վերջին 3-4 տարվա մեջ մենք ունենք շոշափելի ձեռքբերումներ: Պետք է դողալ այդ ձեռքբերումների համար:
Շախմատը համբերատար, մտածված խաղ է: Պետք է շարունակել շախմատ խաղալ, և երբեք չառաջնորդվել բլից շախմատով, բլից շախմատի հոգեբանությամբ: Ես կուզեի, որ, ամեն դեպքում, այս դրական տենդենցը շարունակելի լիներ»,- առաջարկեց ՍամվելՆիկոյանը:
