Ըստ պաշտոնապես հրապարակված տվյալների` այս տարի Ղարաբաղից մեկնել է 343 մարդ, Ղարաբաղ են եկել` 747 քաղաքացիներ: Ըստ ԼՂՀ իշխանությունների կողմից հրապարակված տվյալների` ստացվում է, որ այս տարի Ղարաբաղ ներգաղթողները ավելի մեծ թիվ են կազմել, քան` արտագաղթողները: Ի դեպ, ըստ պաշտոնական տվյալների` և’ արտագաղթողների մեծ մասը Ղարաբաղից մեկնել է ՀՀ, և’ ներգաղթողների մեծ մասը Ղարաբաղ է գնացել Հայաստանից: Պարզվել է նաև, որ այս տարի ամուսնացած 100 ղարաբաղյան զույգերից յուրաքանչյուր 13-րդը ամուսնալուծվել է: Հրապարակվել են նաև երեխաների անվանակոչության հետ կապված մի շարք տվյալներ: Այսպես, պարզվել է, որ այս տարվա ընթացքում Ղարաբաղում ծնողները ամենաշատը իրենց որդիներին անվանել են Գոռ, Տիգրան և Դավիթ, իսկ աղջիկներին` Աննա, Անի և Մանե:
