Հայկական Bi Line IT ընկերությունը, որն արդեն մի քանի տարի է, ինչ դատական վեճի մեջ էր Ռուսաստանում բջջային կապի օպերատոր «Վիմպելկոմ» (ապրանքային նշանը Beeline) ընկերության դեմ` Հայաստանում Bi Line ապրանքային նշանով ներկայանալու իր իրավունքի պաշտպանության համար, ամենայն հավանականությամբ այլևս չի գործի Հայաստանում: Մեր տեղեկություններով, ընկերության սեփականատերերը վերջնականապես որոշել են իրենց ողջ բիզնեսը տեղափոխել Վրաստան: Հիշեցնենք, որ Bi Line ընկերությունը հիմնադրվել է 1996 թվականին: Նշենք նաև, որ Հայաստանի միջին և միջինից, այսպես ասած, մի փոքր բարձր բիզնեսի բազմաթիվ ներկայացուցիչներ ամբողջությամբ հանել են և շարունակում են հանել իրենց բիզնեսը Հայաստանից` տեղափոխվելով Վրաստան:
