«Անկուսակցական լինելը սկզբունք է ինձ համար: Ես երբեք թիմի անդամ չեմ եղել, եղել եմ աշխատող մարդ. դա բնավորություն է: Եվ երբեք ինձնից վերև կանգնածների հետ ընկերություն չեմ արել, ընկերներ դժվար եմ ձեռք բերում»,- «Առաջին լրատվական»- ի հետ զրույցում այս մասին ասաց Արտակարգ իրավիճակների նախարարի պաշտոնակատար Ֆելիքս Ցոլակյանը:
Անդրադառնալով հարցին, թե կոռուպցիայի արմատները երբ են սկսել մետաստազներ ստանալ, Ֆ. Ցոլակյանը նշեց, որ Հայաստանում կոռուպցիա միշտ եղել է. «Բայց նախկինում կոռուպցիան հասարակ մարդուն չի վնասել, դա պետության կառուցվածքից էր գալիս՝ ԽՍՀՄ էր, երկիրը մեծ էր, դրսինն էին ներսում տանում: Բայց հետո, երբ անկախացանք, արդեն ավելի ցայտուն երևաց, թե ինչ է կատարվում: Ամեն ղեկավարի ժամանակ կոռուպցիոն երևույթները տարբեր դրսևորումներ են ունեցել: Իշխանության տանիքի տակ պաշտոնյաները մինչև վերջերս էլ արտոնյալ դիրք են ունեցել»,- նշեց Ֆ. Ցոլակյանը՝ հավաստիացնելով, որ ինքը ՀՀ նախագահներից որևէ մեկի հետ երբևէ կոռուպցիոն կապեր չի ունեցել:
Անդրադառնալով ՊՎԾ ղեկավարի գործունեությանը՝ Ֆ. Ցոլակյանը նշեց, որ ՊՎԾ ղեկավարն ամեն ինչ իմացող մարդ չէ, նա ունի որոշակի սահմանափակ գործառույթներ:
Մանրամասն՝ տեսանյութում: