ԱՄՆ Ներկայացուցիչների պալատի խոսնակ Նենսի Փելոսին հայտարարել է, որ այս տարի էլ կանի իրենից կախվածը Օսմանյան կայսրությունում 1915թ. Հայոց ցեղասպանությունը ճանաչող բանաձևը Ներկայացուցիչների պալատում ընդունելու համար: Այդ մասին գրել է Glendale News-Pres»-ը:
Հայտարարությամբ է հանդես եկել նաեւ Ամերիկայի Հայ ազգային կոմիտեի գործադիր տնօրեն Արամ Համբարյանը` նշելով, որ այդ հայտարարությունը Փելոսին արել է Կոնգրեսի` նոյեմբերի 2-ի միջանկյալ ընտրություններից հետո, երբ դեմոկրատների դիրքերը թուլացան: «Սակայն Ամերիկայի Հայ ազգային կոմիտեն մտադիր է աշխատել ոչ միայն դեմոկրատների, այլ նաև հանրապետականների հետ: Հայ համայնքը միշտ էլ ձգտել է բարեկամներ ունենալ բարիկադի երկու կողմերում էլ»,- հայտարարել է ԱՀԱԿ-ի գործադիր տնօրենը` հույս հայտնելով, որ մեծամասնության առաջնորդ Էրիկ Քանթորն ու հանրապետական Քևին Մաքարթին կողմ կլինեն բանաձևին: «Մենք ճշմարտություն ենք փնտրում արդարության համար: Մենք արդարություն ենք փնտրում հանուն անվտանգության», – ասել է Համբարյանը: Ցեղասպանության ճանաչումից բացի, Կոմիտեն հանդես է գալիս նաև այլ հարցերով, մասնավորապես` ԱՄՆ-ի և Հայաստանի միջև առևտրային կապերի ցարգացումը: Կազմակերպությունը նաև հստակ բացասական վերաբերմունք ունի Ադրբեջանում ԱՄՆ դեսպանի թեկնածու Բրայզայի նշանակման հարցում և հույս ունի, որ նախագահ Օբաման ականջալուր կլինի այդ դիրքորոշմանը, նշվել է Կոմիտեի տարածած հաղորդագրության մեջ:
