Այսօր՝ նոյեմբերի 13-ին, ԱԺ հայտարարությունների ժամին «Ելք» խմբակցության պատգամավոր Էդմոն Մարուքյանը որոշեց արտահերթ խորհրդարանական ընտրություններին ընդառաջ մի քանի կարևոր ուղերձնել հղել ՀՀ քաղաքացիներին:
Նա տեղեկացրեց, որ բոլոր ընտրատարածքներում ունենալու են ակտիվ մասնակցող թեկնածուներ՝ և՛ ռեյտինգային, և՛ համամասնական ընտրակարգով. «Ես կոչ կանեի մեր քաղաքացիներին, որ ակտիվորեն մասնակցեն մեր քարոզարշավին, կապվեն մեր շտաբների, մեր կուսակցական գրասենյակների հետ»:
Մարուքյանը շատ կարևորեց, որ այս ընտրությունները լինեն ազնիվ, թափանցիկ. «Եվ բոլոր արատավոր բարքերն ու երևույթները բոլորով՝ միասնական ուժերով կարողանանք մերժել, որպեսզի ընտրություններից հետո որևէ մեկը չկարողանա ասել, թե ընտրություններից հետո ունեցել են խնդիրներ»:
Նրա խոսքով՝ արդեն իրենք ստանում են տարատեսակ հաղորդագրություններ՝ կապված նախատեսվող ընտրախախտումների հետ. «Ես հիմա դրանց վերաբերվում եմ որպես բամբասանք, բայց բոլոր քաղաքացիներին կոչ եմ անում ցանկացած իրավախախտման պարագայում կապվել «Լուսավոր Հայաստան» կուսակցության գրասենյակ»:
Նա վստահություն հայտնեց, որ այս ընտրությունները լինելու են շատ ավելի լավը, քան եղել են 2017-ին. «Եթե այս ընտրություններում փողը դեր չխաղա, մարդկանց կամքի վրա ճնշում չլինի, ես վստահ եմ, որ մենք ունենալու ենք հզոր Ազգային ժողով և «Լուսավոր Հայաստան» անվանումով խմբակցություն»:
Մանրամասները՝ տեսանյութում: