«Ես մի ընկեր ունեմ, որ շատ ճիշտ նկատեց: Ի՞նչ է հիմա տեղի ունենում, ի՞նչ ենք մենք անում: Մենք հիմա աշխատող սրտի վրա աշխատանքներն ենք տանում, վիրահատում ենք աշխատող սիրտը, սիրտը չի կանգնում: Սիրտը մեր քաղաքն է: Եվ որպեսզի սիրտը չկանգնի, առիթմիա չունենա, պետք է շատ նուրբ գործես, այսինքն՝ փոփոխությունները լինելու են փուլերով»,- այսպես պատասխանեց Երևանի քաղաքապետ Հայկ Մարությանը իր կադրային քաղաքականությանը վերաբերող հարցին, դիտարկմանը, թե դեռ քաղաքապետարանում աշխատում են մարդիկ, որոնք տարբեր ժամանակներում տարբեր խնդիրների կենտրոնում են եղել: