Այսօր երեխաների նկատմամբ բռնության դեմ միջազգային օրն է: Այդ կապակցությամբ Երևանի երեխաների պաշտպանության ցանցի անդամ կազմակերպությունները նախաձեռնել են կլոր սեղանների շարք` քննարկելու իրավիճակը Հայաստանում և վեր հանելու այն խնդիրները,որոնք ծագում են երեխաներին բռնությունից պաշտպանելու գործում: Երեխաների հանդեպ վատ վերաբերմունքը հաճախ բաժանվում է մի քանի կատեգորիաների` ֆիզիկական, սեռական և էմոցիոնալ շահագործոնների: Ըստ Հայաստանի իրավապահների՝ Հայաստանում 2008 թվականին արձանագրվել է երեխաների հանդեպ սեռական ոտնձգության հանցագործությունների կտրուկ աճ 63 դեպք` 2007 թվականի 33 դեպքի համեմատությամբ: Տուժածների 79 տոկոսը անչափահասներ են: 2005-2009 թվականներին արձանագրվել է անչափահասների բռնության 19 դեպք, որոնցից մեկում տուժողը եղել է 14 տարեկան, 8-ում՝ մինչև 14 տարեկանի նկատմամբ, իսկ 16 տարեկանը չլրացածի նկատմամբ սեքսուալ բնույթի գործողություններ կատարելու հանգամանքով արձանագրվել է 39 դեպք: Տուժածներից տարիքով մեծը 15 տարեկան է` 3 դեպք, իսկ ամենափոքրը 13 տարեկան` 3 դեպք:Որոշ դեպքերում բռնացողի և տուժողի միջև տարիքային տարբերությունը 30 տարի է:Հատկանշական է, որ բռնարարների կեսը նախապես ծանոթ են եղել իրենց զոհերի հետ` բարեկամ կամ խորթ հայր, հոր ընկեր: Շատ են դեպքերը, երբ ծանոթ լինելով՝ բռնարարը սիրահարված է եղել:Չնայած առկա տվյալներին՝ Հայաստանում «Երեխաների հանդեպ բռնությունը» շարունակում է մնալ չբացահայտված և չարձանագրված, քանի որ մի կողմից օրենսդրությունն է թերի, մյուս կողմից՝ մարդիկ գերադասում են այդ մասին լռել: