Ադրբեջանցի «օրենքով գող» Նադիր Սալիֆովին (Լոթ Գուլի) Թուրքիայում կրկին բերման են ենթարկել: Այս մասին հոկտեմբերի 23-ին հաղորդում է haqqin.az-ը՝ քրեական հեղինակության հարազատներին վկայակոչելով:
Նրանց տեղեկությամբ՝ թուրքական կողմը քննարկում է Սալիֆովին Ռուսաստան կամ Ադրբեջան արտաքսելու հնարավորությունը: Այժմ նա Բուլղարիայի հետ սահմանին միգրացիոն ծառայության մեկուսարաններից մեկում է:
Ստամբուլի ոստիկանությունը Սալիֆովին ձերբակալել էր հոկտեմբերի 9-ին: Մի քանի օր անց նրան ազատ են արձակել:
Սալիֆովը Ստամբուլի կազմակերպված հանցավորության դեմ պայքարի վարչության ուշադրության կենտրոնում է հայտնվել ռուսական ԶԼՄ-ների տարածած տեղեկություններից հետո, համաձայն որոնց՝ Թուրքիայում գտնվելով նա Կալուգայի մարզի ձեռներեցներից տուրք է հավաքում:
Օգոստոսին Սալիֆովին բերման են ենթարկել Չեռնոգորիայի մայրաքաղաք Պոդգորիցայում, սակայն ավելի ուշ ազատ են արձակել: