Լոսանջելեսաբնակ քաղաքական մեկնաբան Հակոբ Ռուբինյանն այս անգամ անդրադարձավ «Վաշինգտոն Թայմս»-ում հրապարակված հոդվածին, որում ասվել էր, թե Նիկոլ Փաշինյանը վարչապետի պաշտոնը ստանձնելուց հետո սկսեց պարբերաբար ջարդել երկրում կայացած պետական ստրուկտուրաները:
Հակոբ Ռուբինյանի խոսքով՝ հոդվածագիրը, որը եղել է նախկին դիվանագետ և չգիտես ինչ հարցերով փորձագետ, բացարձակապես գաղափար չունի իրադարձությունների և դրանց զարգացման մասին: Հեռակա դիմելով հոդվածագրին՝ Ռուբինյանն ասաց. «Հարգելիս, եթե դու չես ուսումնասիրում այն պետությունը, որի մասին փորձում ես գրել, ապա մի արա այդ բանը: Եղբայր, դու մեր ճակատագրի մասին մի մտածիր»:
Հակոբ Ռուբինյանի խոսքով՝ զարմանալի է, որ «Վաշինգտոն Թայմսը» այսպիսի դատարկաբանություն է հրապարակել. «Դա այն աստիճանի անիմաստ մեկնաբանություն էր, որ որևէ մեկի ուշադրությունը չէր գրավել ամբողջ աշխարհում՝ բացի ռուսական մի պարբերականից»:
Անդրադառնալով Հայաստանում սպասվող իրադարձություններին՝ Հակոբ Ռուբինյանը հույս հայտնեց, որ ԱԺ-ում ներկայացված քաղաքական ուժերը չեն ներկայացնում ինչ-որ մանկապատանեկան խմբակների հետաքրքրություններ. «Ընդունենք, որ նրանք հասուն, խելացի մարդիկ են և կանեն այնպես, ինչպես ի սկզբանե հայտարարել են»:
Մանրամասները՝ տեսանյութում:
