Thursday, 28 03 2024
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ
20:40
Սևաստոպոլում ռազմական ինքնաթիռն ընկել է ծովը
Ռուսաստանցիները կորցնում են հետաքրքրությունը Դուբայի նկատմամբ
Ադրբեջանը հրաժարվում է սահմանազատումից՝ Հայաստանին ներկայացնելով ահաբեկիչ և օկուպանտ
Հայկական լեռնաշխարհը պատմականորեն եղել է համաշխարհային քաղաքակրթությունների խաչմերուկ. ՀՀ նախագահ
ԿԳՄՍ նախարարն ու փոխնախարարն այցելել են «Թատրոն տանիքում» այլընտրանքային թատրոն
Live. «Առաջին լրատվական» տեղեկատվական-վերլուծական կենտրոն
ԱԺ պատգամավորներն աշխատանքային այցով կգործուղվեն Բեռլին
ՀՀ կառավարության ուղարկած մարդասիրական օգնությունը հասել է Եգիպտոս. 1– 2 օրում կփոխանցվի Գազայի բնակիչներին
Հայաստանի տարածքում կան փակ և դժվարանցանելի ավտոճանապարհներ
Եվրոպական խորհրդի քաղաքական եւ անվտանգության հարցերով կոմիտեի անդամները կայցելեն Հայաստան
Սահմանամերձ գյուղերում բնակարան կառուցելու համար պետական աջակցության ծրագրով նախորդ տարի հաստատվել է 280 շահառուի հայտ
Լրատվական-վերլուծական երեկոյան թողարկում
Ուղիղ. այսօր Ավագ Հինգշաբթի է. ոտնլվայի արարողություն և խավարման կարգ Անթիլիայում
18:50
Ռուսաստանը պատրաստվում է նոր մեծ հակահարձակման
«Կովկասի գերուհու» տնօրենը 11մլն․ դրամ է հափշտակել

ԹԻ-ն դիմել է ԵԽԽՎ-ին` քննելու նաև Հայաստանի՝ փողերի լվացման միջազգային սխեմաներում ընդգրկված լինելու կասկածները

2017թ. սեպտեմբերին տեղի ունեցավ բանկային հաշվառման փաստաթղթերի վերաբերյալ տեղեկության զանգվածային արտահոսք, ինչից պարզ դարձավ, որ 2012-2014թթ. Ադրբեջանի իշխող վերնախավը իր գործարկած հիմնադրամի միջոցով կաշառել էր ԵԽԽՎ որոշ պատվիրակների և ստեղծել էր փողերի լվացման միջազգային սխեմա, որը հայտնի է «ադրբեջանական լվացքատուն» անունով:

Փողերի լվացման միջազգային սխեմայի գոյությունը թույլատրած Եվրոպական ֆինանսական հաստատությունները և Ադրբեջանին գումարի դիմաց սատարած Եվրոպական քաղաքական գործիչները նույնպես մեղսակից են այս գործում:

Լվացքատան պատմության հրապարակումից հետո Թրանսփարենսի Ինթերնեշնլ (ԹԻ) միջազգային շարժումը կոչ արեց ԵԽԽՎ-ին, որ Եվրախորհրդում ձայների գնման մեղադրանքի կապակցությամբ անկախ հետաքննություն ձեռնարկվի: ԹԻ-ն նաև հանրային քարոզարշավ ձեռնարկեց, որին մասնակից հարյուրավոր մարդիկ նամակներ հղեցին ԵԽԽՎ-ի իրենց պատվիրակություններին` նրանց հորդորելով նպաստել անկախ հետաքննությանը: Հետևելով մեղադրանքները հետաքննելու կոչերին՝ ԵԽԽՎ-ն ստեղծեց անկախ հետաքննչական մարմին, որը 2018թ. ապրիլին հրապարակեց իր հաշվետվությունը, որտեղ արձանագրված են վարքագծի կանոնների բազմաթիվ խախտումներ և կոռուպցիոն դրսևորումներ:

Հետաքննությունը նաև առաջ է բերել փաստեր և կասկածներ 8 այլ երկրների վերաբերյալ, որոնք են Հայաստանը, Ղազախստանը, Մակեդոնիան, Մոնակոն, Չեռնոգորիան, Ռուսաստանի Դաշնությունը, Թուրքիան և Ուկրաինան: Սահմանափակ ժամանակի և ռեսուրսների պատճառով այս նոր մեղադրանքների կապակցությամբ պատշաճ հետաքննություն չի իրականացվել:

Ս.թ. հունիսի 28-ին ԹԻ-ն դիմել է ԵԽԽՎ նորընտիր նախագահ Լիլիան Մորի-Պասքիեին` հայցելով ընդլայնել Անկախ հետաքննչական մարմնի մանդատը` քննելու այս երկրների վերաբերյալ կասկածները:

Կից տես ԵԽԽՎ նախագահին ուղղված նամակը:

Խորհրդարանական վեհաժողովում կոռուպցիայի գործերով անկախ հետաքննչական մարմնի աշխատանքը պետք է շարունակվի

Հարգելի տիկին Լիլիան Մորի-Պասքիե,

Թրանսփարենսի Ինթերնեշնլի (ԹԻ) անունից անկեղծորեն շնորհավորում եմ Ձեզ Եվրոպայի խորհրդի խորհրդարանական վեհաժողովի (ԵԽԽՎ) նախագահ ընտրվելու առթիվ: Ողջունում ենք պաշտոնը ստանձնելու կապակցությամբ Ձեր ելույթում շեշտված այն միտքը, որ ԵԽԽՎ-ն պետք է ընդունի կոռուպցիայի դեմ պայքարի գործուն ռազմավարություն, և լիահույս ենք, որ Ձեր նախագահության ընթացքում այս կառույցը կվերականգնի իր պատիվն ու կջանա հասնել լիակատար թափանցիկության:

2017թ. Թրանսփարենսի Ինթերնեշնլն առաջին կազմակերպություններից էր, որ կոչ էր արել անկախ հետաքննություն իրականացնել 2013թ. հունվարին քաղաքական բանտարկյալների և Ադրբեջանի պատվիրակության անդամների վարքագծի առնչությամբ ԵԽԽՎ քվեարկության հանգամանքների վերաբերյալ: Ուրախ էինք տեսնել, որ ԵԽԽՎ-ն ստեղծեց բավականին ձեռնհաս և անկախ հետաքննչական մարմին` տրամադրելով բոլոր հասանելի և անհրաժեշտ միջոցները քննությունն արդյունավետ իրականացնելու համար:

Հատկապես ողջունելի ենք համարում անկախ հետաքննչական մարմնի հաշվետվությունը: ԵԽԽՎ ջանքերի շնորհիվ զգալիորեն փոխվել է իրողությունների ընթացքը, ինչի արդյունքն են կոռուպցիան իր իսկ շարքերից արմատախիլ անելու ուղղությամբ կատարվող նշանակալի քայլերը: Ինչպես ցույց է տալիս թիվ 2216 (2018) բանաձևը, ԵԽԽՎ-ն դեռևս բազմաթիվ քայլեր պետք է ձեռնարկի՝ պատշաճորեն հետամուտ լինելու հետաքննչական մարմնի բացահայտումներին և առաջարկություններին: Սույն նամակով կցանկանայինք ԵԽԽՎ ուշադրությունը հրավիրել երկու հանգամանքի վրա, որոնք ներառված չեն Անկախ հետաքննչական մարմնի առաջարկությունների մեջ:

ա) Հետաքննչական մարմինը հայտնել է, որ իրենց աշխատանքի ընթացքում կասկածելի գործելակերպի ու գործողությունների վերաբերյալ փաստեր ու մեղադրանքներ են բացահայտվել ԵԽԽՎ տարբեր երկրների առնչությամբ, սակայն իր մանդատի կազմակերպական, ժամանակավոր և գործառնական սահմանափակումների պատճառով այն չի կարողացել համապարփակ քննություն անցկացնել Ադրբեջանից բացի ութ այլ երկրների առնչությամբ ծագող մեղադրանքների նկատմամբ: Քանի դեռ ԵԽԽՎ-ն և իր անդամները շարունակում են մնալ լոբբինգի և ապօրինի ազդեցության ջանքերի թիրախներ՝ տարբեր երկրների վարկանիշը սրբագրելու ակնկալիքով, կարևոր է ունենալ անօրինական վարքագծի նախորդ բոլոր դեպքերի ամբողջական պատկերը: Հետևաբար, ԹԻ-ն հայցում է ԵԽԽՎ-ին ընդլայնել Անկախ հետաքննչական մարմնի մանդատը` քննելու այն մեղադրանքները, որոնց վերաբերյալ այն հնարավորություն չի ունեցել իրականացնել համապարփակ քննություն: Այդ երկրների թվում են Հայաստանը, Ղազախստանը, Մակեդոնիան, Մոնակոն, Չեռնոգորիան, Ռուսաստանի Դաշնությունը, Թուրքիան և Ուկրաինան:

բ) Անկախ հետաքննչական մարմինն օժտված չի եղել այլ հետաքննչական կառույցներին բնորոշ որոշ իրավասություններով, ինչպիսիք են տեղում ստուգումները, տարածքների խուզարկությունները, թվային փորձաքննությունները, ինչպես նաև չի ունեցել վկաների հարցաքննություն նախաձեռնելու միջոցներ: Որևէ հիմք չկա ենթադրելու, որ ԵԽԽՎ-ն կամ ԵԽ այլ մարմիններն ապագայում առավել ապահովագրված կլինեն կոռուպցիոն գործողությունների փորձերից: ԵԽԽՎ և ԵԽ օրինավորության համակարգի բարելավումը կարող է օգնել որոշ չափով կանխելու կոռուպցիան, սակայն կոնկրետ դեպքերում արդյունավետ իրավակիրարկման չդիմելու արդյունքում կազմակերպությունը կշարունակի մնալ վտանգի մեջ, բացի այդ կարող է հետագայում ևս բախվել նմանատիպ սկանդալների, քանի որ ոչինչ հետ չի պահում անօրեններին: ԹԻ-ն դիմում է ԵԽԽՎ-ին, որպեսզի վերջինս առաջարկություն ներկայացնի Նախարարների կոմիտեին՝ Եվրոպայի խորհրդի շրջանակում ստեղծելու մշտական, անկախ հետաքննչական մարմին, որն ապագայում կկարողանա քննել կոռուպցիայի վերաբերյալ մեղադրանքները: ԹԻ-ն գիտակցում է այն մարտահրավերները, որոնք պայմանավորված են նման նախաձեռնության բարդությամբ, որն, ի լրումն այլ խնդիրների, կավելացնի ԵԽ բյուջեի բեռն արդեն իսկ առկա ֆինանսական դժվարությունների պայմաններում և կարող է ենթադրել Եվրոպայի խորհրդի կանոնադրությանը և Եվրոպայի խորհրդի արտոնությունների և անձեռնմխելիությունների մասին ընդհանուր համաձայնագրին կից արձանագրության ընդունում: Նոր կառույց ստեղծելուն այլընտրանք կարող է հանդիսանալ որևէ ձևաչափի համագործակցությունը արդեն իսկ գոյություն ունեցող Անկախ հետաքննչական մարմնի, օրինակ` Եվրոպայի միության Խարդախության դեմ պայքարի եվրոպական գրասենյակի (OLAF) հետ, որը փոքր-ինչ ավելի հեշտ ճանապարհ է հասնելու նրան, որ ԵԽ օրինավորության համակարգը համալրվի մշտապես գործող անկախ հետաքննչական մարմնով:

ԵԽԽՎ-ն և ԵԽ-ն չեն կարող իրենց թույլ տալ ևս մեկ անգամ կրելու այնպիսի վնաս, որը նրանց հասցվեց հետաքննչական մարմնի հաշվետվության մեջ նկարագրված ապօրինությունների հետևանքով: Ինչպես ցույց են տալիս Եվրոպայի խորհրդի հակակոռուպցիոն համաձայնագրերը՝ կանխարգելումը, բացահայտումը, քննությունը և մեղադրանքի ներկայացումը, յուրաքանչյուրն իր հերթին, արդյունավետ հակակոռուպցիոն համակարգի կարևոր բաղադրիչներ են: Այդուհանդերձ, այս պահին ԵԽ-ի օրինավորության համակարգից ամբողջովին բացակայում են քննության անցկացման բաղադրիչը և քննությանը հաջորդող մեղադրանքի ներկայացման համակարգը:

Սույն նամակով կցանկանայինք հիշեցնել, որ մեկ տարի առաջ ԳՐԵԿՈ-ն (Եվրոպայի խորհրդի Կոռուպցիայի դեմ պայքարող պետությունների խումբը) հրապարակել էր Եվրոպայի խորհրդի խորհրդարանական վեհաժողովի անդամների վարքագծի կանոնների իր գնահատականը, և ԵԽԽՎ-ն դեռևս պետք է ամբողջովին իրականացնի ԳՐԵԿՈ-ի հանձնարարականները: Խրախուսում ենք, որ ԵԽԽՎ-ն ԳՐԵԿՈ-ի հանձնարարականների իրականացմանը հետամուտ լինի առանց հետաձգման:

Շնորհակալություն ենք հայտնում վերոգրյալը հաշվի առնելու համար և պատրաստ ենք աջակցելու Եվրոպայի խորհրդի հեղինակության ու իշխանության վերականգնմանն ուղղված բոլոր ջանքերին:

Անկեղծորեն Ձեր`

Պատրիցիա Մորեյրա
ԹԻ գործադիր տնօրեն

Բաժիններ
Ուղիղ
Լրահոս
Որոնում