Sunday, 24 10 2021
Հրդեհ «Հոգեկան առողջության պահպանման ազգային կենտրոն» ՓԲԸ-ի նկուղում. փրկարարները տարահանել են 60 քաղաքացու
Քրեական ենթամշակույթը մեր հասարակության մեջ գնալով խորանում է. միջավայրն ավելի հանցանպաստ է
Հունվարի մեկից խանութներն այլևս չեն առաջարկի պոլիէթիլենային տոպրակներ
Հայաստանյան խաղի նոր մասշտաբները
Հրշեջ-փրկարարները մարել են ընդհանուր 341.7 հա տարածքում բռնկված հրդեհները
Զանգակատուն գյուղում բռնկված հրդեհը մարվել է․ այրվել է մոտ 300 հա խոտածածկ տարածք
12:15
Կանադայի և ԱՄՆ-ի սահմանին բեռնատար նավ է այրվում
Արցախում կորոնավիրուսային հիվանդության 47 նոր դեպք է գրանցվել
11:45
Գերմանիայում արձագանքել են Թուրքիայում դեսպաններին «անցանկալի անձ» հայտարարելուն
11:30
ԱՄՆ-ը պարզաբանումներ է ակնկալում Թուրքիայից դեսպանին «անցանկալի անձ» հայտարարելու Էրդողանի խոսքերից հետո
Սյունիքի Կոռնիձոր գյուղի հարակից տարածքից ադրբեջանցիները հափշտակել են 107 ոչխար և 5 այծ
Կորոնավիրուսի 2354 նոր դեպք, 38 մահ
10:45
Իրանի հոգևոր առաջնորդը 3․4 հազար բանտարկյալի համաներում է շնորհել
Իրանը լուռ չի մնա, բայց բանը չի հասնի ռազմական ընդհարման կամ դիվանագիտական հարաբերությունների խզման
Եղանակը ցրտում է
Անշարժ գույքի շուկայում ևս գնաճ է. եկամտահարկի վերադարձի դրական և բացասական կողմերը
10:09
Ջեյ Լոն զարմացրել է անսպասելի կերպարով
Անանուն աղբյուրից լրատվամիջոցը կարող է օգտվել, բայց պետք է գիտակցի, որ պատասխանատվությունն ինքն է կրելու
09:45
Առողջ սննդի փորձագետները թվարկել են ամենաօգտակար հյութերը
09:30
Սննդաբանն անդրադարձել է հացի վտանգներին
09:15
Բրիթնի Սփիրսը Սուրբ Ծնունդը նշել է հոկտեմբերին
Նման ձևով սահմանազատումը մեզ ավելի խոցելի է դարձնելու և ռուսական «փրկչի» դերը միշտ զգալու ենք
00:00
Նիգերիայում ավելի քան 800 ձերբակալվածներ փախել են ուղղիչ կենտրոնից
23:45
Մերկելը խոստովանել է, որ երբեմն իր հագուստի գույնը քաղաքական ազդանշան է պարունակել
23:30
ԵՄ-ն կոչ է անում Սիրիային վերացնել մահապատիժը
Էրդողանը կարգադրել է արտաքսել 10 երկրների դեսպանների
23:00
ԱՄՆ իշխանությունները մտադիր են Քենեդիի սպանության վերաբերյալ նոր նյութեր բացահայտել
22:45
Պարտքը չվճարելու դեպքում «Գազպրոմը» կդադարեցնի Մոլդովայի գազամատակարարումը
Բնությանը վնաս հասցնողների գործունեությունը տեղում կկասեցվի․ նախարարություն
ՆԱՏՕ-ն հետևողականորեն ուժեր է տեղակայում ՌԴ-ի սահմանների մոտ․ Շոյգու

ԵԽԽՎ հայաստանյան համազեկուցողի հայտարարությունը՝ մտահոգի՞չ, թե՞ ոչ պրոֆեսիոնալ. իրավապաշտպանները կհակադարձեն

Եվրոպայի խորհրդի խորհրդարանական վեհաժողովի Հայաստանի հարցով համազեկուցող Յուլյա Լովոչկինան (Ուկրաինա) կոչ է արել Հայաստանի բոլոր քաղաքական ուժերին լիարժեք կերպով հարգանք ցուցաբերել ժողովրդավարական արժեքների և օրենքի գերակայության նկատմամբ՝ ինչպես խոսքով, այնպես էլ գործով:

Տարածված հայտարարության մեջ Յուլյա Լովոչկինան նաև կոչ է անում իշխանություններին և բոլոր քաղաքական դերակատարներին ապահովել, որ արտահերթ ընտրությունները լիարժեք կերպով համապատասխանեն ժողովրդավարական ընտրությունների եվրոպական չափանիշներին և նորմերին, և որ բոլոր քաղաքական ուժերը պատշաճ և բավարար ժամանակ ունենան այդ ընտրություններին պատրաստվելու համար: Նա հավելել է, որ պատշաճ խորհրդակցությունների և կոնսենսուսի կառուցման համար բավարար ժամանակ ունենալը հատկապես կարևորվում է սահմանադրական ցանկացած հնարավոր փոփոխությունների համատեքստում, որոնք չպետք է ընդունվեն հապշտապ:

Մարդկային զարգացման միջազգային կենտրոնի նախագահ Թևան Պողոսյանը «Առաջին լրատվական»-ի հետ զրույցում նշեց՝ այն ինչ այսօր հայտարարում է Լովոչկինան, ավելի վաղ ասել է ՀՀ վարչապետ Նիկոլ Փաշինյանը և այս հայտարարությունը մտահոգիչ համարել պետք չէ. «Մենք դա լսել ենք դեռ մայիսին, հունիսին, լսել ենք նաև կառավարության ծրագրի ներկայացման ժամանակ, և ես որևէ տարբերություն չեմ տեսնում։ Խնդիրն այլ դաշտում է՝ քաղաքական ուժերը կգտնե՞ն քաղաքական լուծում, կգա՞ն իրար հետ նստեն, կբանակցե՞ն մի սեղանի շուրջ։ Մեկ անգամ չէ, որ այս մասին խոսել եմ՝ ինձ հետաքրքրում է, որ Հայաստանում ձևավորվի քաղաքական կոնսենսուսի կառուցման բանակցային սեղան, որի շուրջ կնստեն ու կորոշեն։ Կորոշեն, որ ընտրությունները մեկ օր հետո են անելու՝ ինձ համար ընդունելի է, տաս օր հետո կամ մեկ տարվա ընթացքում՝ նույնպես ընդունելի է։ Բայց դա պետք է լինի գիտակցված, ու բոլորը լինեն պատրաստ։ Այդ մասին ասել է հենց ինքը՝ վարչապետ Նիկոլ Փաշինյանը։ Մենք դա միայն եվրոպական չինովնիկներից ու միջազգային հանրությունից չենք լսել»։

Միևնույն ժամանակ Թևան Պողոսյանն ընդգծում է. «Այլ խնդիր է, որ ձևավորված իրավիճակի վրա իրենք հետագայում կարող են ինչ-որ մեկնաբանություններ անել, բայց մենք պետք է հասկանանք, որ պետք է առաջնորդվենք միայն սեփական երկրի շահերով, բանակցությունների միջոցով։ Մենք ինչ անում ենք, մեր համար ենք անում, ոչ թե ուրիշի»։

Արդյո՞ք Հանրապետականները չեն կարող իրենց գործողություններով ազդել միջազգային հանրության, այդ թվում՝ ԵԽԽՎ-ի մոտեցման վրա, Թևան Պողոսյանը պատասխանեց. «Ես հիշում եմ, որ նախկինում պատրաստվող զեկույցների ժամանակ իշխանությունը մի բան էր ասում, ընդդիմությունն այլ, փաստերը բերվում էին, զեկույցները գրվում։ Բնականաբար, իշխանությունները իրենց տեսակետն են ասելու, նրանք, ովքեր իրենց ընդդիմադիր են համարում՝ իրենց տեսակետն են ասելու, և զեկույցը դրա վրա է հիմնվելու։ Հիմա խնդիրը սա է, թուլ չտա՞նք, որ նրանք, ովքեր իրենց ընդդիմադիր են համարում, իրենց տեսակետն արտահայտեն, չէ՞ որ մեր արած բարեփոխումներն արվել են մեր երկրի զարգացման համար։ Եթե մեր ժողովրդավարական ինստիտուտները զարգանալու են, ով էլ փորձի մի բան ասել՝ մեր կյանքի որակը դրանից չի փոխվելու»։

Մեր զրուցակիցը շեշտում է. «Եթե կան որևէ խնդիրներ և որևէ քաղաքական ուժ ուզում է արտահայտել՝ պետք է արտահայտի, ես այդ երկիրն եմ ուզում, որտեղ խոսքի ազատությունն իրենից արժեք է ներկայացնում, որտեղ չկա վախ խոսքդ ասելու հետ կապված, որտեղ պետք է ազատ լինես անկաշկանդ քննադատություն լսելու ու այն ընկալելու հարցում»։

Թևան Պողոսյանը եզրափակում է. «Պարզապես հերթական անգամ փաստվում է, որ եվրոպական արժեքները և եվրոպական ինստիտուտները կարևորում են արժեքային դաշտը, բոլորի համար հավասարությունը և դա են համարում զարգացման ճիշտ ուղին։ Այդ մասին մեզ ոչ թե ԵԽԽՎ պատվիրակներն են ասում, այլ այդ մասին առաջինը մեզ ասել է հենց ինքը՝ Նիկոլ Փաշինյանը»։

ՀՔԱ Վանաձորի գրասենյակի ղեկավար, իրավապաշտպան Արթուր Սաքունցի կարծիքով՝ մինչդեռ տարածված հայտարարությունը մտահոգիչ է։ «Կամ ինքն ընկել է չգիտակցված ապատեղեկատվության թակարդը կամ գիտակցված է հրապարակել այդ տեղեկատվությունը, որը ոչ մի առնչություն ու հիմքեր չունի Հայաստանի այսօրվա իրավիճակի հետ կապված»,- «Առաջին լրատվական»-ի հետ զրույցում ասաց նա։

Մեր զրուցակիցը շարունակում է. «Ինչո՞ւ եմ այսպես պնդում, որովհետև ամռանը ԵԽԽՎ-ի Հայաստանի զեկուցողների կողմից ներկայացվեց հայտարարություն, որն ամբողջությամբ տարբերվում էր այս առանձին հայտարարությունից։ Քանի որ, ըստ ԶԼՄ-ների տարածած հայտարարության՝ Արփինե Հովհաննիսյանն էր նախաձեռնել դիմել ԵԽԽՎ զեկուցողներին, որ նրանք գան Հայաստան այցելության, ես կապն այդտեղ եմ տեսնում։ Թե որքանով է համապատասխանում իրականությանը՝ չգիտեմ, բայց հաշվի առնելով գործողությունները, ես հիմնավոր ենթադրություն ունեմ, որ դրանով է պայմանավորված։ Մենք առիթ կունենանք այդ համազեկուցողի հետ հանդիպելու և մեր գնահատականն առերես ասելու, եթե ոչ՝ ուրեմն գրավոր տեսքով իրեն ներկայացնելու»։

Սաքունցի դիտարկմամբ՝ հայտարարության մեջ առկա բոլոր գնահատականներն ամբողջովին ելնում են Հայաստանի իրավիճակի վերաբերյալ ՀՀԿ դիրքորոշումներից և դա, կարծես թե, ՀՀԿ ԱԺ ներկայացուցիչը լինի ԵԽԽՎ-ում. «Նորից եմ կրկնում՝ այդ տիկինը ստիպված կլինի բավականին լուրջ պարզաբանումներ տալու, թե ինչ տեղեկատվության հիման վրա է այդ տեքստը գրվել, ումից է ստացել այդ տեղեկատվությունը և ինչու է տարածել առանց մյուսների կարծիքներն իմանալու։ Երբ ԵԽԽՎ-ի ներկայացուցիչները գալիս են Հայաստան, հանդիպում են բոլոր շահագրգիռ կողմերի հետ, նոր վերջնական դիրքորոշում հայտնում։ Իսկ տվյալ դեպքում ակնհայտ է, որ սա մեկ քաղաքական ուժի կողմից ներկայացված տեսակետ է։ Մասնավորապես արտահերթ ընտրությունների հետ կապված այդ հորդորը՝ առ այն, որ պետք է պատրաստվեն և այլն… նա բացարձակապես չի տիրապետում, թե ինչ իրավիճակում ենք մենք գտնվում, որպես միջազգային ժողովրդավարական կառույցի ներկայացուցիչ թող մի քիչ զոռ տար ուղեղին կամ մի քիչ ուշադիր լիներ, թե Հայաստանում ինչպիսի իրավիճակ է՝ հակաժողովրդավարական ուժերի կողմից սպառնալիք կա ժողովրդավարական գործընթացը կասեցնելու ուղղությամբ»։

Սաքունցը շարունակում է. «Երկրորդ՝ քաղաքական հետապնդումների մասով. կամ պետք է տեղյակ չլինի կամ ոչ պրոֆեսիոնալ, եթե չասեմ՝ քաղաքական տեսակետից անգրագետ կոռուպցիայի մեջ ներգրավված անձանց ներկայացնել քաղաքական հետապնդման զոհ։ Ես հիասթափված եմ, որ ԵԽԽՎ հայաստանյան զեկուցողներից մեկը նման անհիմն հայտարարություն է տարածել, մենք կզբաղվենք, որ այդ համազեկուցողը փոխվի կամ ներողություն խնդրի։ Ժամանակին ունեցել ենք հայտնի Պրեսկոտ՝ գիտեք հիմա որտեղ է, դա պետք է օրինակ հանդիսանա Ուկրաինայի ներկայացուցչի համար»։

Բաժիններ
Ուղիղ
Լրահոս
Որոնում