News Georgia-ի փոխանցմամբ՝ վրացական ընդդիմադիր Լեյբորիստական կուսակցության առաջնորդ Շալվա Նատելաշվիլին ընդդիմադիր ուժերին կոչ է արել պահանջել նախագահ Միխեիլ Սաակաշվիլիի հրաժարականը.
«Քաղաքական կուսակցությունները պետք է Սաակաշվիլիին հայտարարեն ազգային-քաղաքական իմփիչմենթ և պահանջեն նրա հրաժարականը, քանի որ նա մեկ անգամ չէ, որ ծանր հանցագործություններ է գործել, ոտնահարել է Սահմանադրությունը, բռնությունների ու զանգվածային կեղծումների միջոցով չարաշահել է իշխանությունը, ոչնչացրել է ժողովրդավարության հիմքերը և հաստատել է միակուսակցական բռնապետական ռեժիմ»։
Նաթելաշվիլին կոչ է արել կոշտ սանկցիաներ կիրառել բռնապետի ու նրա համակիրների նկատմամբ։
Հիշեցնենք, որ երկու տարի առաջ էլ վրացի լեյբորիստները հանդես էին եկել այդպիսի նախաձեռնությամբ, սակայն այն ժամանակ դա հավանության չէր արժանացել անգամ խորհրդարանում ներկայացված ընդդիմության կողմից։
