«ՖՈՐՈՒՄ» բիզնես կենտրոնը գործարարներին և կազմակերպություններին առաջարկում է ցանկացած մակերեսներով գրասենյակային տարածքներ վարձակալության հիմունքներով, սկսած 25 մ2-ից մինչև 400 մ2 և ավելին: Վեց հարկանի բիզնես կենտրոնը գտնվում է երթևեկության թեթև ծանրաբեռնվածությամբ անաղմուկ գոտում՝ Մամիկոնյանց 48/3 հասցեում: Կենտրոնն ապահովված է ինտերնետ կապով, օդորակիչներով, էլեկտրաէներգիայի մատակարարման բարձրակարգ համակարգով, շուրջօրյա ջրամատակարարմամբ և ավտոկայանատեղիով: Հանգիստ աշխատանքի երաշխիքն է` մասնագիտացված անվտանգության ծառայությունը, շուրջօրյա աշխատանքային գրաֆիկով, տեսախցիկները և մուտքի անցագրային հսկողությունը:
Իր գործունեության առաջին իսկ օրվանից սկսած բիզնես կենտրոնը համագործակցում է Տեղեկատվական Տեխնոլոգիաների ոլորտը ներկայացնող կազմակերպությունների հետ: Ընտրել ենք ՏՏ ոլորտը, քանի որ այսօր մեր բիզնես կենտրոնը համապատասխանում է այս ուղղությունը ներկայացնող կազմակերպությունների կողմից առաջադրվող պահանջներին: Մեր կողմից իրականացված շուկայի հետազոտության ընթացքում հասկացանք ոլորտի պահանջները և առանձնահատկությունը, արդյունքում մեր գործունեությունը սկսեցինք ուղղել հենց այդ պահանջները բավարարմանը: Այսօր կենտրոնի գործընկերների շարքում են այնպիսի հանրաճանաչ կազմակերպություններ, ինչպիսիք են VMware. Systrotech, Contra, NMX- Global Software և այլն:
Դառնալով մասնագիտացված բիզնես կենտրոն՝ մենք նպատակ ունենք մեկ հարկի տակ համախմբել ՏՏ հանրույթին և հենց այս նպատակով «Ֆորում» բիզնես կենտրոնը իր կորպորատիվ սոցիալական պատասխանատվության շրջանակներում մասնակցում է հեղինակավոր Դիջիթեք Էքսպո 2018 ամենամյա տեխնոլոգիական մեծ միջոցառմանը՝ հանդիսանալով աջակից գործընկեր: Ընտրել ենք հենց Դիջիտեք Էքսպոն, քանի որ այս նախաձեռնությունը ՏՏ ոլորտի ներկայացուցիչներին բացառիկ հնարավորություն է տալիս ցուցադրել իրենց նոր արտադրանքը և խթանում է ոլորտի զարգացմանը: