Ամերիկացի Դոնթե Փալմերը փոքրիկ որդու հետ լուսանկար է հրապարակել ռեստորանի տղամարդկանց զուգարանում, որպեսզի ցույց տա, թե ինչ դժվար է հոր համար փոխել երեխայի տակդիրը։ Նկարը հասանելի է տղամարդու Instagram-ի էջում։
Նկարում երևում է, որ Փալմերը կքանստել է և երեխային դրել ծնկներին, որպեսզի փոխի տակդիրը։
«Ինչո՞ւ տղամարդկանց զուգարաններում չկան երեխաների շորերը փոխելու հատուկ սեղաններ, կարծես մենք գոյություն չունենք։ Տեսնում եք, մենք սա հաճախ ենք անում։ Նայեք, ինչ հարմար է տղայիս այսպես, նրա համար սա սովորական բան է»,– գրել է հայրն իր հրապարակման մեջ։
Պարզվել է, որ Փալմերը հրատապ խնդիր է շոշափել, որի հետ բախվում են շատ հայրեր։ Նրա գրառումը մի քանի հազար լայք է հավաքել և շատ մեկնաբանողներ համաձայնել են նրա հետ:
Մի տղամարդ գրել է, որ մի անգամ ինքը ստիպված է եղել խնդրել, որ սուպերմարկետում մտնի կանանց զուգարան երեխայի հետ։
«Զգում եմ քո ցավը, եղբայր, ես շատ անգամ եմ դա զգացել իմ մաշկի վրա»,– գրել է մեկ ուրիշը։