Friday, 29 03 2024
ԱԹՍ-ն հարվածել է Բելգորոդի բազմաբնակարան շենքերից մեկին․ կա զոհ
19:10
Տեղի է ունեցել Ղրղզստանի և Տաջիկստանի սահմանազատման հանձնաժողովների հերթական հանդիպումը
Արևմտյան աջակցությունը իշխանությունները կկարողանա՞ն շոշափելի արդյունք դարձնել, թե՞ կփոշիացնեն
ՊԵԿ-ը բացահայտել է կառուցապատման ոլորտում առանձնապես խոշոր չափերով հարկեր չվճարելու դեպք
Լրատվական-վերլուծական երեկոյան թողարկում
102-րդ ռազմաբազան ՀՀ սուվերենության միակ իրական երաշխավորն է. ՌԴ ԱԳՆ
Գազա օգնություն ուղարկելով՝ Հայաստանն ուղերձ է հղում աշխարհին
Մահացել է «Կրոկուս»-ում ահաբեկչության տուժածներին օգնություն ցուցաբերած հայ երիտասարդը՝ 35-ամյա Կարենը
Ուղիղ. հարցազրույց Անդրանիկ Քոչարյանի հետ
Անկախության հռչակագիրը անփոփոխ է, չունի դադարեցման իրավաբանական հնարավորություն. «Գերագույն խորհուրդ» ակումբ
Տաջիկստանը ձերբակալել է 9 հոգու՝ «Կրոկուս սիթի հոլ»-ում տեղի ունեցած ահաբեկչության հետ առնչության համար. Reuters
Ֆանտաստիկ թիվ է․ տարեկան 1մլրդ․ դոլար տրամադրելով՝ ԱՄՆ-ն Հայաստանից ակնկալիքներ պետք է ունենա
ՄԱԿ-ի դատարանն Իսրայելին կարգադրել է թույլ տալ հումանիտար օգնության մուտքը Գազայի հատված
Լրատվական-վերլուծական երեկոյան թողարկում
Վասիլիս Մարագոսը վերահաստատել է ԵՄ-ի աջակցությունը Հայաստանում արդարադատության ոլորտի բարեփոխումներին
Ու՞մ է զգուշացնում Իրանը
Սիրիայի զորքերը պատասխան հարվածներ են հասցրել ավազակային կազմավորումներին
Գազայում հայտնել են, որ իսրայելական հարվածներից զոհերի թիվը գերազանցել է 32 600-ը
Իսրայելական հրետանին հարվածներ է հասցրել Լիբանանի հարավի երկու ավանների. ԶԼՄ-ներ
17:20
Հարավաֆրիկյան Հանրապետությունում 45 մարդ է զոհվել կամրջից ավտոբուսի ընկնելու հետևանքով
17:10
Կիևը և Վարշավան մտադիր են անվտանգության երաշխիքների մասին համաձայնագիր կնքել
17:00
Live. «Առաջին լրատվական» տեղեկատվական-վերլուծական կենտրոն
16:50
Ֆրանսիան կարող է չեղարկել Փարիզում Օլիմպիադայի բացման արարողությունը
16:40
Բրիտանիան չեղարկել է 100-ամյա արգելքը և թույլ կտա զինվորականներին մորուք պահել
ՌԴ ԱԳ փոխնախարարը հանդիպել է Աբխազիայի և Հարավային Օսիայի ներկայացուցիչներին
16:20
«Արաբական երկրները պատրաստ են ճանաչել Իսրայելը». Բայդեն
16:10
Իսպանիայում տեղակայվել է ՆԱՏՕ-ի երրորդ ռազմածովային բազան
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան

Պարոն Քոչարյան, կարո՞ղ էիք այսպիսի սանձարձակ ալան-թալան անել, եթե չլիներ Հոկտեմբերի 27-ը․ Վահան Շիրխանյան

«Ամենավտանգավորը և սարսափելին այն է, որ չենք կարողանում անկեղծանալ։ Նույնիսկ հիմա, երբ հայտնի են դառնում բազմաթիվ զազրելի արարքների 20-25-ամյա գոյության փաստեր։ Ավելին, մենք հարմարվել էինք դրանց գոյության հետ, համակերպվել էինք։ Գիտեինք, որ իշխանությունը մեզ խաբում է, ստում է, քցում է, ճնշում է, մեր վրա բռնանում է, մեզ թալանում է, նսեմացնում է, մեզ ստիպում է հեռանալ հայրենիքից, զրկվել հայրական տնից։ Գիտեինք, չէ՞։ Ու համակերպվել էինք… վախից։ Բայց հիմա ինչո՞ւ չենք անկեղծանում։ Առանց անկեղծանալու, մենք չենք կարող միմյանց վստահել ու Նոր Հայաստան կառուցել, քանի որ դա հնարավոր է միայն միասին, ազգովի»։ Այս կարծիքն ունի պաշտպանության նախկին փոխնախարար Վահան Շիրխանյանը։

«Կարծես թե, այսօր, ոստիկանը նախկինի պես ուսադիրի գերին չի, մի քիչ հայ է դարձել, մի քիչ էլ սկսել է մտածել։ Ջրցանները, դուբինկաները, գնդակները մարդկանց գլխին չեն իջնում։ Ուրեմն, խնդիրն ավելի խորն է։ Հարմարվողականությունը մտել է մեր էության, բնավորության մեջ։ Դա սարսափելի է։ Ազգի գոյատևման, արժանապատիվ գոյատևման ամենալուրջ սպառնալիքը հենց դա է։ 25 տարվա ճորտի վիճակը բավարար չի՞։ Մենք ո՞ւմ ճորտերն ենք եղել՝ Ռուսաստանի՞, թե՞ Քոչարյանի, Սերժիկի ու հանրապետականի։ Արժանապատվություն ունեցող նախարարը, պատգամավորը, պակա՞ս ճորտ է եղել»,- «Առաջին լրատվական»-ի հետ զրույցում ասաց Շիրխանյանը։

Ըստ նրա՝ այսօր միայն Նիկոլ Փաշինյանը և նրա մերձավոր ընկերներն են տեղյակ վերը նշած անձանց շատ հանցավոր, գծուծ, մութ ու ստոր, հակահայ, հակահայաստանյան գործերից, բայց վաղը ամբողջ ժողովուրդն է իմանալու։ «Ինչպե՞ս եք մարդկանց աչքերին նայելու։ Գուցե սարսափում էք պատասխանատվությունի՞ց։ Մի բան պետք է հասկանաք՝ անպատժելիության ու ամենաթողության դարը անցել է ու չի վերադառնալու։ Անցել էն նաև պետական ստերով ժողովրդին կերակրելու, կեղծ, շինծու, ձեզ հարմար թիվ-թվաբանությամբ քամի անելու ժամանակները»,- շեշտեց մեր զրուցակիցը։

Անդրադառնալով երկրորդ նախագահ Ռոբերտ Քոչարյանի հարցազրույցներին, Փաշինյանին ուղղված սպառնալիքներին, իր կառավարման տարիների տնտեսական աճին ու Հայաստանի զարգացմանը, Շիրխանյանը նշեց, որ Քոչարյանը խորապես ատել է Հայաստանը, հային, մեր ավանդույթները։

«Վերջերս մամուլին տառացիորեն բռնաբարում է Ռոբերտ Քոչարյանը, որը պնդում է, որ իր տարիներին Հայաստանը թռիչքային աճ է ունեցել։ Լավ էլի, ամոթն էլ լավ բան է։ Ոչ միայն չի եղել առաջընթաց, այլ եղել է ամբողջի խոր, անդարձելի քայքայում: Պարոն Քոչարյան, ախր դու խորապես ատել ես Հայաստանը, հային, մեր ավանդույթները։ Դու Հայաստանին թեկուզ մեկ րոպե չես ծառայել, այլ ծառայեցրել ես Հայաստանը քեզ։ Մի կողմ դնենք 5 հիմնովին կեղծված համապետական քվեարկությունները։ 10 տարի Հայաստանում իշխանությունը եղել է բռնազավթված և ապօրինի։ Ձեր կառավարման ամեն տարում Հայաստանում ավելացել են 5000 հաշմանդամներ, 35000 գործազուրկներ, 1000 չարորակ ուռուցքով և 1000 հոգեկան խանգարումով հիվանդներ, երկրից արտագաղթել են 45-50 հազար մարդ, ամեն տարի երկրում պակասել է 13000 աշակերտ, այսինքն՝ ամեն տարի փակվել է 15-20 դպրոց։ Ասենք թե 380 կմ երկաթուղային ռելսերը՝ 21000 տոննա, գողացաք, վաճառեցիք, կերաք, բայց 26 հազար հեկտար արգելանոցային հողերը ի՞նչ արեցիք։ 10 տարում ոչնչացրիք 380 գիտաարտադրական միավորումներ՝ իրենց տասնյակ ֆիլիալներով շրջաններում, 200 գիտահետազոտական, փորձակոնստրուկտորական, նախագծային ինստիտուտներ, ԿԲ-ներ, որոնք դարձան Թուրքիային ու Իրանին վաճառված… 20 միլիոն տոննա մետաղի ջարդոն։ Անհետացան 800 մլն դոլարի զորահավաքային նյութական անձեռնմխելի պաշարները՝ մոբպլանում ընդգրկված գործարաններից։ Դրանով Հայաստանը զրկվեց արդյունաբերական, գիտական ապագա ունենալու հեռանկարից։ Օտարվեցին նաև պղինձը, մոլիբդենը, ոսկին և ազգային հարստության այլ կարևորագույն ունեցվածքներ։ Այսպես Հայաստանի հետ կարող էր վարվել միայն թշնամին։ Ու նորից առաջ է գալիս այն տրամաբանական հարցը՝ կարո՞ղ էիք այսպիսի սանձարձակ ալան-թալան անել, եթե չլիներ Հոկտեմբերի 27-ը։ Ցավոք, Հայաստանի Ազգային վիճակագրական ծառայությունը չի մշակել բնակչության թվի, քվեների, եկամուտների և ծախսերի, ծնվածների և մահացածների, սպիդով և թմրամոլությամբ հիվանդների ու բազմաթիվ այլ թվերի մշտական կեղծման վնասը հաշվարկելու մեթոդաբանություն։ Իսկ այդ վնասը անհամեմատ մեծ է, քան նրանց էստեղից-էնտեղից փախցրած 4, կամ 20 միլիարդը»,- մանրամասնեց Վահան Շիրխանյանը։

Նրա խոսքերով՝ Քոչարյանի կառավարման բոլոր 10 տարիների առաջընթացը կրում է բացարձակապես իմիտացիոն-սիմուլյացիոն բնույթ, այսինքն՝ պարզ խաբեբայություն․ «Ռոբերտա-սերժական 20-ամյա իշխանության տրամաբանությունը և էությունը կայուն քրեածին է և ստեղծվել ու գոյատևել է արյան վրա, մեծ արյան վրա։ Հայ մարդը ներողամիտ է, բայց պատմությունը երբեք չի ներում, խեղված, աղտոտված, թալանված, հավասարակշռությունը կորցրած բնությունը նույնպես երբեք չի ներում ու ժամանակի ընթացքում ազգին կանգնեցնելու է ծանրագույն խնդիրների առաջ։ Համարենք, որ ռոբերտա-սերժական մղձավանջը անցյալում է և այլևս հետդարձ չունի։ Համարենք, բայց քայքայման, ալան-թալանի, անարդարության, երկրի և հայի հանդեպ խոր անտարբերության և արհամարհանքի, կեղեքման, նսեմացման 20-ամյա համակարգի հետևանքները, կենդանի շոշափուկները դեռ երկար ու ծանր մնալու են մեր հիշողության և իրողության մեջ։ Հազարավոր անօրինաբար, պատվերով ազատազրկված մարդիկ դեռ բանտերում են»։

Այս համատեքստում Շիրխանյանը կարևորեց համաներման անհրաժեշտությունը, քանի որ, նրա խոսքերով, բանտերը լիքն են մարդկանցով, ովքեր պատվերով ցմահ կամ երկար տարիների բանտարկության են արժանացել։ «Ու այս ամենից հետո ռոբերտա-սերժական հանցախումբը, իր բոլոր ուղեկից-թիմակիցներով, փորձում է դիրքեր պահպանել, խոսք ասել։ Սա սահման չունեցող լկտիություն է։ Հասկացեք վերջապես, դուք մերժված եք ամբողջ հայության կողմից, աշխարհասփյուռ հայության կողմից։ Դուք խաղաղ պայմաններում իրականացրել եք ցեղասպանություն՝ անապատացման սպառնալիքի տակ եք դրել Արարատյան դաշտավայրը՝ առանց որի Հայաստանը չի կարող լինել, ճահճացման վտանգի տակ էք դրել Սևանը՝ առանց որի Հայաստանը լինել չի կարող, հիմնովին ձախողել եք արտաքին քաղաքականությունը ձեր պատեհապաշտական ու սիրողական մոտեցումներով և Արցախյան խնդիրը դրել ծանրագույն վիճակում, ազգին այլասերող ու բարոյազրկող մեխանիզմներ էք գործի դրել ու օրենքի պաշտպանության տակ առել դրանք, աղետի գոտու վերականգնումը տարիներ շարունակ դարձրել էիք փող լվանալու միջոց, կավատությունը դարձրել էիք անպատժելի, նույնիսկ՝ խրախուսելի, ձեր ագահությամբ ու խաբեբա կեցվածքով հիասթափեցրել, վանել եք բոլոր պարկեշտ և հայրենասեր հայերին, ներդրողներին, ովքեր անկեղծորեն ուզեցել էին մասնակցել Հայաստանի վերականգնման գործին, աղքատությունը, նույնիսկ մուրացկանությունն էք օրինականացրել, 1․8 մլն հայերի արտագաղթի պայմաններում կարելի է վստահաբար պնդել, որ 400 գյուղ և 20 քաղաք դարձել են անբնակ, ազգին հասցրել եք ինքնավերացման շեմին՝ զրոյական բնական աճով, քծնանքը, կաշառքը և կեղծիքը դարձրել էիք գոյության պայման, համատարած թվանկարչությունը ընտրություններում, ֆինանսական ելումուտում, վաշխառուական բանկային համակարգը»,- ասում է նախկին ՊՆ փոխնախարարը։

Նա Քոչարյանին ու Սերժ Սարգսյանին կոչ է անում ընդունել, որ տանուլ են տվել, ոչ թե Նիկոլ Փաշինյանն է հաղթել, այլ իրենք են պարտվել և պետք է ժողովրդին պատասխան տան ամեն արածի համար, ոչ թե հոխորտան․«Հայաստանն ունի շատ ավելի ծանր խնդիր՝ ազատվել ձեր ժառանգությունից, իսկ դա, առաջին հերթին, Հայաստանում ներդրված քայքայման, ավերման ծրագիրն է, որը ռոբերտա-սերժական 20 տարիներին հղկվեց, հարմարեցվեց մաֆիոզ շահերին և սարդոստայնեց Հայաստանն ու Արցախը, բանակը և հասարակությունը»։
Մանրամասները՝ տեսանյութում։

Բաժիններ
Ուղիղ
Լրահոս
Որոնում