Արցախի Պաշտպանության բանակի միավորումների և կենտրոնական ենթակայության զորամասերի գումարտակների, ինչպես նաև հրետանային և ՀՕՊ դիվիզիոնների հրամանատարների ու նրանց տեղակալների հետ անցկացվել են հրամանատարական հավաքներ։ Այս մասին հայտնում է «Արցախպրես»-ը։
Հավաքների ընթացքում առանձնահատուկ ուշադրություն է դարձվել հատկապես այն հարցերին, որոնք առնչվում են մարտական հերթապահությանը և ստորաբաժանումների մարտական պատրաստականությանը:
Հավաքի մասնակիցների հետ հանդիպել է ՊԲ հրամանատար Լևոն Մնացականյանը, իսկ մարտավարական ու մասնագիտական տարբեր թեմաներով դասախոսություններ ու գործնական պարապմունքներ են անցկացրել նաև բանակի բարձրաստիճան սպայակազմի ներկայացուցիչները:
Առանձնահատուկ ուշադրություն է դարձվել կրակային ու ֆիզիկական, տեխնիկական պատրաստություն առարկաներին, իրականացվել են տարբեր վարժանքներ ու մարզումներ: Հավաքի մասնակիցները մարտավարամասնագիտական առարկաներից հանձնել են ստուգարքներ։
