Հնդկաստանի Միրիոլագուդա քաղաքում դաժան «պատվո սպանություն» է կատարվել այն բանից հետո, երբ տեղի բնակիչը ամուսնացել է ավելի բարձր կաստայի պատկանող աղջկա հետ: 24-ամյա Փրամայ Քումարին օրը ցերեկով սպանել են իր հղի կնոջ՝ Ամրութհայի աչքերի առաջ, երբ նրանք դուրս գալիս են եղել հիվանդանոցից: Ողբերգությունը կատարվել է ամուսնությունից ընդամենը 9 ամիս անց՝ գրում է Mirror-ը:
Տեսախցիկները ֆիքսել են, թե ինչպես է անհայտ տղամարդը մեջքից հարձակվում Փրանայի վրա և մաչետեով մի քանի հարված է հասցնում նրա վզին: Երբ զոհը ընկնում է գետնին՝ հարձակումը շարունակվում է: Աղջիկը փորձում է կանգնեցնել անծանոթին, բայց վերջինս սպանում է Փրանային, գցում զենքը և փախչում դեպքի վայրից: Ամրութհան անմիջապես հիվանդանոց է դիմում, որպեսզի իր սիրելիին օգնություն ցույց տան:
Նշվում է, որ ամուսինների ընտանիքները դեմ են եղել ամուսնությանը և ոստիկանական բաժանմունքում զույգին զգուշացրել են, որ արարողությունը կարող է ողբերգության վերածվել: Փրանայը դալիթ-քրիստոնյա էր ցածրագույն կաստայից, իսկ Ամրութհան պատկանել է նշանակությամբ 3-րդ կաստային:
Փրանայի հարազատները համարում են, որ հարձակումը իրականացվել է վերջերս զույգի կողմից Facebook-ում հրապարակված հարսանեկան տեսանյութի պատճառով: Բացի այդ՝ սպանությունից մեկ ամիս առաջ ոստիկանությունը հարցաքննել է Ամրութհայի հորը ցանկանալով իմանալ, թե արդյոք վերջինս չի պատրաստվում հարձակում իրականացնել իր փեսացուի վրա: Թերևս ինքը՝ Ամրութհան համարում է, որ հենց իր հայրը և եղբայրն են կապված ամուսնու սպանության հետ:
