Սնանկացած Դեթրոյթի նոր քաղաքապետ Մայք Դագգանը խոստացել է կես տարում լուծել քաղաքի հիմնախնդիրները և բնակիչներին խնդրել է չտեղափոխվել այլ քաղաքներ: Այս մասին գրում է ITAR-TASS-ը:
«Մեզ վեց ամիս ժամանակ տվեք, և մենք կապացուցենք, որ Դեթրոյթի վիճակը կարելի է փոխել դեպի լավը: «Դադար» սեղմեք և մի լքեք ձեր տները»,- հայտարարել է Դագգանը երեքշաբթի օրը իր պաշտոնավարման պաշտոնական արարողության ժամանակ:
Քաղաքապետի խոսքերով՝ առաջիկայում նրա վարչակազմը կզբաղվի տրանսպորտային սպասարկման և փողոցների լուսավորության բարելավմամբ, ինչպես նաև «շարժիչների քաղաքի» այլ հիմնախնդիրների լուծմամբ:
