Այսօր Երևանի ավագանու նախընտրական քարոզարշավի 5-րդ օրն է, կարծես թե ամեն ինչ խաղաղ է ընթանում՝ չհաշված նախընտրական որոշ մանր-մունր դրվագներ: Թեմայի շուրջ «Առաջին լրատվական»- ի հետ քննարկմանը մասնակցեցին «Իմ քայլը» դաշինքի ավագանու թեկնածու Սուրեն Էյրանջյանը, «Լույս» դաշինքի ավագանու թեկնածու Թեհմինա Վարդանյանը և «Երևանցիներ» դաշինքի ավագանու թեկնածու Գագիկ Գյանջումյանը:
«Քարոզարշավի ընթացքում որևէ արտառոց բան տեղի չի ունեցել»,- նշեց Թ. Վարդանյանը: Անդրադառնալով դիտարկմանը, որ քարոզարշավին բոլոր քաղաքական ուժերի ձեռագիրը կարծես թե նույնն է, Գ. Գյանջումյանը նշեց, որ որոշակի տարբերություններ կան. «Մենք փորձում ենք այլ կերպ իրականացնել քարոզարշավը, բակային երթեր շատ մասսայական չենք անում: Սեպտեմբերի 20-ին կունենանք մեծ միջոցառում, կներկայացնենք մեր ցանկությունները և հնարավորությունները»:
«Շփվելով քաղաքացիների հետ՝ հիմնականում նկատում ենք, որ ժողովուրդը շատ բարձր տրամադրություն ունի. հետհեղափոխական շրջան է, և ժողովրդի մեջ խանդավառություն կա, որ առաջին անգամ ազատ, արդար ընտրություններ իրականացնելու հնարավորություն կա, նաև հավատ կա ժողովրդի մոտ»,- նշեց Ս. Էյրանջյանը:
Մեր զրուցակիցների հավաստամբ՝ ընտրություններին ընտրակաշառքը բացառվում է. այս իշխանությունը «քնած» չէ: «Այնուամենայնիվ պետք է զգոն լինել, որ նման փորձ անգամ չլինի»,- նշեց Գյանջումյանը:
Մանրամասն՝ տեսանյութում:
