Ֆրանկո-գերմանական Arte հեռուստաընկերության եթերում Starbucks-ի հաջողությունների գաղտնիքների մասին վավերագրական ֆիլմ է նկարահանվել:
RFI-ի տեղեկացմամբ՝ լրագրողներ Լյուկ Էրմանն ու Ժիլ Բովոնը հետազոտել են, թե ինչ է իրականում կանգնած ամերիկյան սուրճի ապրանքանիշի հաջողության հետևում, և թե ինչպես է Starbucks-ը՝ որպես առաջադեմ մարդկանց համար սուրճի խանութ, վերաբերվում է իր աշխատակիցների իրավունքներին, որքանով է հարգում բնապահպանական չափանիշները և ինչպես է իր շահույթը տեղափոխում օֆշորային դաշտ:
Լրագորղները պնդում են, որ ընկերության ստեղծած առաջադեմ իմիջը հեռու է իրականությունից:
Առաջին միֆը վերաբերում է ապրանքանիշի էկոլոգիական ուղղվածությանը. լրագրողները պարզել են, որ Starbucks-ի կողմից տարեկան արտադրված 4 մլրդ թղթե բաժակները բացարձակապես ոչ վերամշակելի են:
Հերքվել է նաև այն թեզիսը, ըստ որի՝ ըկերությունը աշխատում է անմիջապպես սուրճ արտադրողի հետ և խուսափում է վերավաճառողներից: Իրականում Starbucks-ը սուրճը գնում է թրեյդերներից:
Երրորդ՝ սուրճի որակական ցուցանիշները համապատասխանում են ֆասթֆուդի մակարդակին: Starbucks-ի ըմպելիքները չափազանց շատ շաքար են պարունակում, և կալորիականությունը բարձր է: