Լիբանանի «Ազդակ» օրաթերթի գլխավոր խմբագիր Շահան Գանդահարյանը «Առաջին լրատվական»-ի հետ զրույցում փաստեց, որ Կազանում նախատեսվող եռակողմ ձևաչափով հանդիպման վերաբերյալ գնահատականներն ու կանխատեսումներն այս օրերին իսկապես բավականին առատ են, ու ոչ միայն հայկական լրատվամիջոցներում, այլ նաև միջազգային:
«Ես չեմ կարծում, որ ընդհանուր համաձայնություն, բեկումնային, ճակատագրական փոփոխություններ հակամարտության կարգավորման վերաբերյալ լինեն Կազանի հանդիպման ընթացքում»,- ասում է Շահան Գանդահարյանն և կանխատեսում, որ գուցե, այնուամենայնիվ, ինչ-որ հայտարարագիր ստորագրվի, բայց ոչ վճռորոշ կամ բեկումնային:
Փոխարենը «Ազդակ»-ի խմբագիրը համոզված է, որ բանակցային գործընթացում, որպես հակամարտող կողմ, պիտի մասնակցեն Արցախի իշխանությունները, որովհետև հակառակ դեպքում «առանց իրենց մասնակցության և համաձայնության որևէ պայմանագիր լիարժեք գործելու հնարավորություն չի ունենա»:
