Թուրքիայի նախագահ Աբդուլլահ Գյուլը, արտգործնախարար Դավութօղլուն և պաշտպանության նախարար Վեժդի Գենուլը կմասնակցեն Լիսաբոնում նոյեմբերի 19-20-ը կայանալիք ՆԱՏՕ-ի գագաթնաժողովին, ըստ ադրբեջանական Trend գործակալության` ասված է Թուրքիայի ԱԳՆ-ի տարածած հաղորդագրության մեջ: Հայտարարության մեջ ասվում է, որ գագաթնաժողովի օրակարգում կլինեն դաշինքի առաջնային խնդիրները և դրանց հետ կապված որոշումները: «Նախատեսվում է, որ Լիսաբոնի գագաթնաժողովը կընդունի նոր ռազմավարական հայեցակարգ, որը կսահմանի դաշինքի գործողությունների ծրագիրը հաջորդ 10-15 տարիների համար»,- ըստ TRT-ի` ասված է հաղորդագրության մեջ:
ԱԳՆ-ն ուշադրություն է հրավիրում այն հանգամանքին, որ գագաթնաժողովի օրակարգում կքննարկվեն ՆԱՏՕ-ի հարաբերությունները Ռուսաստանի հետ և Աֆղանստանի խնդիրը: Ըստ աղբյուրի` Լիսաբոնի գագաթնաժողովը տեղի կունենա երկու աշխատանքային հանդիպումների ձևաչափով: Կլինի նաև աշխատանքային ընթրիք: