Լիբանանի ՍԴՀԿ պաշտոնաթերթ «Արարատ»-ի խմբագիր Ահարոն Շխրտմյանը արաբական երկրներում, մասնավորապես Սիրիայում տեղի ունեցող դեպքերի վերաբերյալ կարծիք հայտնելիս, գնահատականներ տալիս խորհուրդ է տալիս նախ հասկանալ. «Արաբական աշխարհում սկսված հեղափոխությունների ալիքն իսկապե՞ս ժողովրդի կողմից առաջացած բողոք է քաղաքական, տնտեսական պայմանների բարեկարգման պահանջով, թե՞ արտաքին ուժերի կողմից հրահրված ժամանակավոր իշխանափոխություն իրականացնելու ծրագիր»։
«Արարատ»-ի խմբագիրը կարծում է, որ այս հարցերի պատասխանը միայն ժամանակը կարող է տալ։
«Բարեփոխություններ պահանջելը և բարեկարգությունների հասնելը այլ բան է, իշխանափոխության ձգտելն՝ այլ։
«Եթե իշխանափոխությունը խաղաղ նպատակներով պիտի իրագործվի, բարեկարգությունների միջոցով, իհարկե, համաձայն ենք, բայց մերժում ենք դրսի, արտաքին միջամտություններով, ժողովրդին այդպիսի կարգախոսներով շահագործելով իշխանափոխություն իրականացնելը»,- ասում է Շխրտմյանը և հարցնում՝ ի՞նչ է, միայն արաբակա՞ն երկրների վարչակարգերն են բռնապետական. ոչ ոք չի խոսում այլ երկրների մասին։
«Արաբական երկրներն այսօր մեկ առ մեկ մասնատվում են, մխրճվում են բազմաթիվ խնդիրների մեջ և որոշ պետություններ՝ Սիրիան, ԱՄՆ-ը դրանից օգտվում են»,- նկատում է խմբագիրը, և հավելում, որ ժողովրդավարության ընկալումները արևմուտքում լրիվ ուրիշ են, արևելքում՝ ուրիշ, ուստի հորդորում է միանշանակ չվերաբերվել տեղի ունեցող իրադարձություններին։
