Այսօր՝ ժամը16:30-ի սահմաններում, ոստիկանության Երևան քաղաքի Կենտրոնական բաժին բերման են ենթարկվել էմոյական շարժման անդամ համարվող յոթ աղջիկներ: Այժմ նրանք գտնվում են ոստիկանության բաժնում: Վերջին շրջանում էմոյական շարժման անդամներին ոստիկանությունը հաճախ է բերման ենթարկում: Սակայն ինչպես փոխանցեց մեր թղթակիցը, աղջիկների ծնողները ասում են, որ իրենց երեխաները էմոյական շարժման անդամներ չեն, և որ սա մարդու իրավունքների խախտում է: Սակայն հենց նոր Հելսինկյան ասոցացիայի նախագահ Միքայել Դանիելյանը տեղեկացրեց, որ 20 րոպեից աղջիկներին բաց կթողնեն: