Մամուլի ազգային ակումբը ԱՄՆ Ազգային ժողովրդավարական ինստիտուտի հետ համատեղ այսօր քննարկում էր կազմակերպել՝ «Իշխանության և ընդդիմության միջև քաղաքական բանակցությունների կայացման խոչընդոտները և հեռանկարները Հայաստանում» թեմայի շրջանակներում:
ԱԺ «Ժառանգություն» խմբակցության անդամ Արմեն Մարտիրոսյանը նշեց, որ բանակցությունների խնդիրը կայանում է իշխանության ձևավորման մեջ. «Ընդդիմադիր դաշտի այն հատվածը, որն իրապես միտված է հասարակական խնդիրների լուծումը օր առաջ կյանքի կոչելուն՝ այդ հատվածը պետք է հնարավորինս փորձի ուղիներ փնտրել, որպեսզի երկիրը դուրս բերի այն իրավիճակից, երբ առկա է արտագաղթի մեծ ծավալ: Այս իրավիճակը օր առաջ պետք է փոխվի: Դա կլինի համագործակցության ձևով, թե լինի միավորման հարթությունում, երբ տարբեր ընդդիմադիր ուժեր կմիավորվեն և կփորձեն այդ հասարակական պահանջը բավարարել, դա կերևա մոտակա ժամանակներում: Այս խնդիրների լուծմանը պետք է իրենց աջակցությունը բերեն քաղաքացիական հասարակության տարբեր կենտրոններ, խմբեր, որոնք այս ժամանակահատվածում ակտիվ են եղել և որոնք այժմ իրենց ակտիվությունը ցույց են տալիս»:
Արմեն Մարտիրոսյանը կարծում է, որ կառավարումն ամբողջովին պետք է փոփոխվի և խնդիրներն է, որ պետք է հասարակական, քաղաքական ուժերը այս ժամանակահատվածում ի մի բերեն: