«Ադրբեջանի բանկերի ասոցիացիայի» հասարակական կազմակերպության նախագահ Զաքիր Նուրիևը մեկնաբանել է ԱՄՆ դոլարի վաճառքի քանակի հետ կապված բանկային սահմանափակումները՝ գրում է minval.az-ը:
Կազմակերպության ղեկավարը հայտնել է, որ քանակային սահմանափակման կիրառումը առաջին հերթին ուղղված է փոխարժեքի շուկայում կեղծարարության կանխմանը:
«Որոշ կեղծարարներ մեծ քանակությամբ դոլար են գնում և դրանք վաճառում են բարձր գնով, ինչը լարվածություն է ստեղծում շուկայում: Ինչու՞ պետք է շարքային քաղաքացին միանգամից 100 հազար դոլար գնի»,- ասել է Նուրիևը՝ հավելելով, որ սահմանափակումը դրված է միայն դոլարի կանխիկ վաճառքի վրա: