«Առաջին լրատվական»-ի հյուրն է փաստաբան Նորայր Նորիկյանը։ Տեղեկություն ստացվեց գլխավոր դատախազությունից՝ դատախազությունը մերժել էր 45 ԱԺ պատգամավորի միջնորդությունը Քոչարյանի մասով նրան ազատ արձակելու խնդրագիրը։ Հարցին՝ ինչ ընթացակարգ է սա, և ինչ սպասել վաղը, Նորիկյանը նշեց․ «Սրանք բոլորովին տարբեր ընթացակարգեր են, ՀՀ ԱԺ թվով 45 պատգամավորներ դիմել էին վարույթն իրականացնող մարմնի նկատմամբ դատավարական հսկողություն իրականացնող դատախազությանը՝ ի դեմս գլխավոր դատախազի՝ խնդրելով մինչև դատարանի կողմից գրավի կիրառումը թույլատրելի ճանաչելու վերաբերյալ ներկայացված Վերաքննիչ բողոքների լսելը և այդ կապակցությամբ որոշում կայացնելը փոխել Քոչարյանի նկատմամբ ընտրված խափանման միջոց կալանավորումը, որը դատախազի բացառիկ իրավասությունների շրջանակում է տեղավորվում։ Ըստ երևույթին, մենք ստացանք տեղեկություն առ այն, որ գլխավոր դատախազությունը մերժել է 45 ԱԺ պատգամավորի կողմից ներկայացված միջնորդությունը, բայց սա չի նշանակում, որ դատարանը չի կորող բոլորովին այլ որոշում կայացնել։ Հետևաբար, մենք վաղը ականատես կլինենք Վերաքննիչ դատարանի պրոցեսին, թե, այնուամենայնիվ, դատարանը ինչ վերաբերմունք ցույց կտա Քոչարյանի պաշտպանների կողմից ներկայացված բողոքներին»։
Ամբողջությամբ՝ տեսանյութում։