«Ոչ մի հարցազրույց, ես լիազորված չեմ որևէ բան ասել, դրա համար ոչինչ չեմ կարող ասել»,-երեկ թերթին ասել է Աժ ԲՀկ խմբակցության քարտուղար Արամ Սաֆարյանը, երբ փորձել են նրանից ճշտել, թե ինչ է մտածում ԲՀԿ-ն իշխանություն-ընդդիմություն երկխոսության և իշխանական պատվիրակություն ձևավորելու հարցի վերաբերյալ:
Թերթի հարցին, թե ինչին է սպասում՝ Սաֆարյանը պատասխանել է. «Ոչինչ չունեմ ասելու, որովհետև ես այդ գործընթացի մասին որևէ հայտարարություն անելու լիազորություն չունեմ»: Նա ասել է, թե «ռուբիլնիկն անջատել է» և խոստովանել միայն, որ առավոտյան ԲՀԿ խմբակցությունում Աժ արտահերթ նիստից առաջ քննարկում է եղել: Ինչ թեմայով՝ չի ասել:
«Սաֆարյանի կարծիքով՝ քաղաքական դաշտն ամռանն արձակուրդ է գնալու, և ակտիվ գործընթացների կարելի է սպասել միայն աշնանը: Իսկ մինչ ԲՀԿ-ն համառորեն հրաժարվում է հրապարակային հայտարարություններ անել ընթացող ներքաղաքական գործընթացների վերաբերյալ, մեր աղբյուրները պնդում են, որ սույն կուսակցությունն ակտիվորեն աշխատում է «տակից»՝ փորձելով մարդկանց ներգրավել իր շարքերը՝ պատրաստվելով ընտրությունների»։,- գրում է «ՀԺ»-ն։